Ukra'ina da'iriliri yoluchilar ayropilanining rusiye teminligen bomba bilen étip chüshürülgenlikini bildürdi

Muxbirimiz jüme
2014.07.21

Shenbe küni ukra'ina da'iriliri axbarat élan qilip, peyshenbe küni qazagha uchrighan yoluchilar ayropilanning rusiye teminligenlikige bashqurulidighan bomba sistémisida étip chüshürgenlikini ispatlaydighan pakitlar barliqini bildürdi.

Peyshenbe küni amistérdamdin malayshiyagha qarap yolgha chiqqan MH17 - nomurluq yoluchilar ayropilani sherqiy ukra'ina hawa boshluqida uchup kétiwatqanda hujumgha uchrap chüshüp ketken we ichidiki 298 yoluchining hemmisi qaza qilghan.

Kéyin mezkur yoluchilar ayropilanning yerdin hawagha qoyup bérilidighan bashqurulidighan bomba bilen étip chüshürülgenliki körsitilgen.

Weqedin kéyin ukra'ina da'iriliri rusiye we ukra'inaning sherqiy qismidiki rusperes küchlerni eyibligen.

Ukra'ina da'irilirining bildürüshiche, mezkur bombini rusiye terep ukra'inaning sherqiy qismida musteqilliq telep qiliwatqan rusperes küchlerge bergen iken.

Ukra'ina da'iriliri rusiye we rusperes küchlerning weqege alaqide delil ispatlarni jiddiy yoshuruwatqanliqini bildürmekte.

Shenbe kündiki axbarat élan qilishi yighinda ukra'in dölet xewpsizlik idarisining bashliqi witaly nayda ayropilan weqesidin kéyin BUK - M1 tipliq bashqurulidighan bomba qoyup bérish üskünilirining sherqiy ukra'inadin rusiye terepke ötüp ketkenlikini resimler bilen körsetken.

Uning bildürüshiche, bashqurulidighan bomba sherqiy ukra'inaning snizhne kentidin étilghan.

Aldinqi küni amérika da'irilirimu mezkur ayropilan qazasida rusiyening yardimi barliqini ilgiri sürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.