NATO Rusiye mesiliside qattiq ipade bildürdi

Muxbirimiz eziz
2022.03.23
Share on WhatsApp
Share on WhatsApp

Rusiye hökümitining ukra'inadiki urushqa yadro qorallirini ishqa salmaqchi boluwatqanliqi heqqidiki xewerler otturigha chiqqandin kéyin “Shimaliy atlantik ehdi teshkilati” (NATO) buninggha keskin inkas qayturdi.

Roytérs agéntliqining 23-marttiki xewiride éytilshiche, NATO ning bash sékrétari jéns stolténbérg (Jens Stoltenberg) shu küni nutuq sözlep: “Biz rusiyening hujumlirini chékindürüsh üchün sherqiy yawropada köp dölet qoshunliri tesis qiliwatimiz. Rusiye yadro qoralini ishlitipla bu urushta yéngip chiqimiz, dep xam xiyal qilmisun” dégen. Shuningdek NATO ning dawamliq halda özlirining “Dosti” bolghan ukra'inani kéreklik yardemler bilen temin éétidighanliqini, emma buning hergizmu rusiye bilen NATO otturisidiki qarshiliqning mezmuni emeslikini tekitligen. Melum bolushiche NATO ning sherqiy yawropadiki herbiy orunlashturmisida zor tengshesh téz sür'ette ishqa ashqan.

BBC Ning 23-marttiki xewiride éytilishiche, NATO ning bash sékrétari jéns stolténbérg özlirining xitaydin ensirewatqanliqini alahide tekitligen. U bu heqte qilghan sözide: “Xitay rusiyeni siyasiy yardem bilen temin étip kéliwatidu. Shuning bilen birge ashkara yalghanlarni we xata uchurlarni köplep tarqitiwatidu” dégen. Xewerde éytilshiche NATO hazir xitayning rusiyeni maddiy yardem bilen temin étishidin wayim yémekte iken.

Ukra'ina prézidénti zéléniskiy amérika dölet mejliside widiyo arqiliq nutuq sözlep, amérika hökümitidin téximu köp yardem telep qilghan idi. Mezkur telep boyiche amérika prézidénti jow baydén 23-mart küni chüshtin burun 800 milyon amérika dolliriliq herbiy yardem buyumlirining deslepki qedemde ukra'inagha yétip kelgenlikini bildürgen. Arqidinla yawropa ittipaqining, jümlidin en'gliye we fransiyening téximu köp herbiy yardem bérishke teyyarliniwatqanliqi melum bolushqa bashlidi. Emma xitayning ukra'inani hémaye qilish üchün hasil boluwatqan dunyawiy septin izchil özini chetke ‍élishi nöwette xelq'ara üchün bir chong bash aghriqi bolmaqta iken.

Birleshken döletler teshkilati (b d t)ning 49-nöwetlik kishilik hoquq kéngishi yighinida xitay we rusiye izchil herqaysi döletlerning tenqid obyékti bolghan. 21-Küni yighin hey'itige tapshurulghan bayanatida fransiyening b d t da da'imiy turushluq bash elchisi jérom bonnafont (Jérôme Bonnafont) rusiyening herbiy tajawuzi we xitayning Uyghur diyaridiki türlük zulumlirini barawer tilgha alghan. U bu heqte qilghan sözide tashpolat téyip, ilham toxti qatarliq Uyghur serxillirini alahide misal qilghan halda her ikki jaydiki qirghinchiliq qilmishlirining nöwette téximu yuquri pellige chiqiwatqanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.