Ukra'inadiki urush sépidin éghir qorallar chékindürilidu

Muxbirimiz ümidwar
2015.02.22


Sherqiy ukra'inadiki rusiyeperes küchler we kiyéf hökümiti aldinqi septin éghir qorallirini élip kétishke qoshuldi. B b s agéntliqining xewer qilishiche, ötken heptide 4 dölet rehberliri minsk shehiride imzalighan urush toxtitish kélishimide éghir qorallarni aldinqi septin chékindürüshke qoshulghan bolsimu, emma bir heptidin buyan bu ish téxi ishqa ashmighan idi. Bir neper mezkur kélishim xizmitige qatnashqan rusiye xadimi éghir qorallarni chékindürüsh teyyarliq xizmiti bashlan'ghanliqi, emma bu chékindürüshning heptining ikkinchi küni bashlinidighanliqini éytqan.

Minsk kélishimi boyiche ikki terep esirlerni almashturghan bolup, ikki terep 191 esirni almashturdi. Biraq, yekshenbe küni ukra'inadiki xarkow shehiride partlash yüz bérip, az dégende 2 adem hayatidin ayrilip 11 adem yarilan'ghan, ukra'ina hökümiti xarkowta térrorizimgha qarshi heriket bashlan'ghanliqini bildürgen.

Nöwette, rusiyeperes küchlerning kélishimige ri'aye qilishta aktip emesliki shikayet qilinmaqta, rusiyeperes qoralliq küchlerning éghir qorallarni chékindüridighanliqini bildürüsh harpisida amérika dölet ishliri ministiri kérri amérikining rusiyege qarita yéngi imbargolarni oylishiwatqanliqi hemde pat arida prézidént obamaning rusiyege qarita imbargo qoyush - qoymasliq mesiliside qarar chiqiridighanliqini bildürgen. Kérri moskwani urush toxtitish kélishimining ishqa éshishigha dexli qilish bilen tenqid qildi.

Amérikining rusiyege qarita yéngi imbargo qoyush mesilisige inkas qayturghan rusiye krémil bayanatchisi dmitriy péskow imbargo ukra'ina krizisini hel qilishqa yardem körsetmeydu, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.