Җорҗи вашингтон университети оқуғучилири университет даирилирини уйғур ирқий қирғинчилиқидин чегра айришқа қистимақчи

Мухбиримиз ирадә
2022.09.29
Share on WhatsApp
Share on WhatsApp

Америкадики нопузлуқ университетлардин бири болған җорҗи вашингтон университетидики асаслиқ оқуғучилар тәшкилатлири бирлишип, мәзкур университет даирилирини уйғур ирқий қирғинчилиқиға мунасивәтлик барлиқ мәбләғ селиш түрлиридин қол үзүшкә чақиридиған қарар лайиһәсини тонуштурған. Мәзкур қарар лайиһәси университет оқуғучилар бирләшмисигә йолланған болуп, 3-өктәбир дүшәнбә күни авазға қоюлидикән.

Лайиһәдә җорҗи вашингтон университети даирилириниң хитай компартийәсиниң чәтәлләргә созулған қоли болған хитай мәркизи бирликсәп бөлүми билән болған мунасивитигә қарап чиқиш, улардин алған мәбләғлирини тәкшүрүш вә бу мәбләғниң уйғур ирқий қирғинчилиқи билән болған мунасиивитини тәкшүрүштәк тәклипләр оттуриға қоюлған.

“вашингтон почтиси” гезитиниң тонулған истон язғучиси җош рогинниң тивиттерда көрситишичә, бу қарар лайиһеси университет мәҗлисидики демократ вә җумһурийәтчи вәкилләрниң ортақ қоллишиға еришкән.

Нөвәттә америка университетлирида университетларниң фондлириниң хитай компартийәси билән, болупму униң уйғур ирқий қирғинчилиқи вә мәҗбурий әмгики билән болған мунасивитини тәкшүрүп, чегра айришқа чақиридиған һәрикәтләр күчәймәктә.

2021-Йили америка католик университети мушу һәрикәтни башлиған вә оқуғучилар башқурушидики мустәқил вә пайда алмайдиған тәшкилат болған афена институтини қуруш арқилиқ барлиқ университетларға бу һәрикәтни кеңәйтиш үчүн һәрикәткә өткәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.