Jorji washin'gton uniwérsitéti oqughuchiliri uniwérsitét da'irilirini Uyghur irqiy qirghinchiliqidin chégra ayrishqa qistimaqchi

Muxbirimiz irade
2022.09.29
Share on WhatsApp
Share on WhatsApp

Amérikadiki nopuzluq uniwérsitétlardin biri bolghan jorji washin'gton uniwérsitétidiki asasliq oqughuchilar teshkilatliri birliship, mezkur uniwérsitét da'irilirini Uyghur irqiy qirghinchiliqigha munasiwetlik barliq meblegh sélish türliridin qol üzüshke chaqiridighan qarar layihesini tonushturghan. Mezkur qarar layihesi uniwérsitét oqughuchilar birleshmisige yollan'ghan bolup, 3-öktebir düshenbe küni awazgha qoyulidiken.

Layihede jorji washin'gton uniwérsitéti da'irilirining xitay kompartiyesining chet'ellerge sozulghan qoli bolghan xitay merkizi birliksep bölümi bilen bolghan munasiwitige qarap chiqish, ulardin alghan mebleghlirini tekshürüsh we bu mebleghning Uyghur irqiy qirghinchiliqi bilen bolghan munasi'iwitini tekshürüshtek teklipler otturigha qoyulghan.

“Washin'gton pochtisi” gézitining tonulghan iston yazghuchisi josh roginning tiwittérda körsitishiche, bu qarar layihési uniwérsitét mejlisidiki démokrat we jumhuriyetchi wekillerning ortaq qollishigha érishken.

Nöwette amérika uniwérsitétlirida uniwérsitétlarning fondlirining xitay kompartiyesi bilen, bolupmu uning Uyghur irqiy qirghinchiliqi we mejburiy emgiki bilen bolghan munasiwitini tekshürüp, chégra ayrishqa chaqiridighan heriketler kücheymekte.

2021-Yili amérika katolik uniwérsitéti mushu heriketni bashlighan we oqughuchilar bashqurushidiki musteqil we payda almaydighan teshkilat bolghan aféna institutini qurush arqiliq barliq uniwérsitétlargha bu heriketni kéngeytish üchün heriketke ötkenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.