Йәкән наһийә хаңди базарлиқ понкит башлиқи қурбанниң уйғур бовайни уруш вәқәси дуня җамаәтчиликиниң диққитини қозғиди

Мухбиримиз қутлан
2016-11-12
Елхәт
Пикир
Share
Принт


10-Ноябирдин башлап үндидар, фейсбук вә башқа иҗтимаий таратқуларда көрүлүшкә башлиған бир син көрүнүши пүтүн дунядики уйғурлар арисида ғулғула қозғиди.

Мәзкур син көрүнишидики бир йеза кадириниң яшинип қалған бир уйғур бовайни көпчиликниң алдида уруп-думбалиши бу көрүнүшни көргән кишиләрниң ғәзәп-нәпритини қозғиди.

Радийомиз бу син көрүнишигә асасән ингилизчә чүшәндүрүш берилгән бир қисқа сүрәтлик хәвәр ишләп иҗтимаий таратқуларға тарқатқандин кейин бир күн ичидила униң көрүлүш адәм қетим сани 40 миңға, баһа язған кишиләрниң сани миңға йеқинлашқан.

Хитай тор сақчилири үндидарда язма уқтуруш чиқирип, мәзкур син көрүнушини тарқатмаслиқ һәққидә көпчиликни агаһландурған.

Муһаҗирәттики уйғур көзәткүчиләр, бу вәқә хитай һөкүмәт органлирида хизмәт қиливатқан асасий қатлам уйғур кадирларниң меңиси ююлғанлиқиниң бир ипадиси, дәп көрсәтмәктә.

Пикирләр (0)
Share
Толуқ бәт