Ürümchi etrapidin bayqalghan zor kölemdiki kömür kan gaz menbesini échish bashlandi

Muxbirimiz ümidwar
2018-02-04
Share

Xitay da'iriliri ürümchi yénidiki dawanching rayonidin bayqalghan kömür qatlimi gazliqini jiddiy échishqa kirishken. Téxi yéqindila dawanching rayonidin 100 milyard kub métir kömür qatlimi gazi zapisi bayqalghanliqi xewer qilin'ghan bolup, 31-yanwar küni Uyghur diyaridiki töt chong shirket dawanchingdiki mezkur kömür qatlimi gaz menbesini birliship échish heqqide kélishim imzalap, ishqa kirishken.

Tengritagh torining xewer qilishiche, Uyghur aptonom rayonluq kömür kan gé'ologiye idarisi dawanchingdin bayqalghan mezkur kömür qatlimi gazining pakizliq derijisining yuqiriliqi we uningdiki ximiyilik madda métan terkibiningmu 90% artuq ikenlikini békitken. Xitay da'iriliri bayqighan mezkur gazliq boghda téghining jenubi étikige, yeni ürümchidin 90 kilométirlar nérigha jaylashqan bolup, gazliqning jenubtin-shimalgha bolghan kengliki 27 kilométir kélidiken. Mezkur kömür qatlimi gazliqining omumi zapisining 100 milyard kub métirdin artuq ikenliki, uni 15-20 yil qézish hemde 300 ming ahalini gaz bilen teminlesh mumkin ikenliki texmin qilinmaqta.

Nöwette, Uyghur diyari xitayning asasiy tebi'iy gaz menbesige aylan'ghan bolup, xitayning Uyghur diyarining tarim wadisidin bayqiliwatqan tebi'iy gaz menbelirini échip, uni xitayning sherqidiki déngiz boyliridiki 13 ölke we biwasite qarashliq sheherlerdiki 400 milyondin artuq ahalini teminlewatqanliqi melum. 13 Yil ichide xitay hökümiti tarim wadisidin 200 milyard kub métir tebi'iy gaz toshup ketken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet