Хитай авиатсийә даирилири үрүмчидики көргәзмигә техиму көп адәм келишни күтмәктә

Мухбиримиз үмидвар
2016-09-13
Share

Хитай 20-25-сентәбир күнлири үрүмчидә өткүзүлидиған "хитай-асия-явропа көргәзмиси"гә техиму көп чәтәл вә ичкири хитай ширкәтлири һәм зиярәтчилирини җәлп қилиш үчүн өз тәшвиқатлири вә паалийәтлирини күчәйтмәктә. Хитайниң җәнуби авиатсийә ширкити мәхсус асия-явропа көргәзмисигә келидиғанларниң санини ашуруш үчүн көп һәрикәт қилмақта.

"шинҗаң гезити"ниң хәвиридин мәлум болушичә, җәнуби авиатсийә ширкити көргәзмә мәзгилидә, 1190 қетим нөвәтчи айропилан орунлаштуруп, 200 миңдин көпрәк орун билән тәминләшни, беләт сетивелиш вә башқа мулазимәтләрни яхшилайдиғанлиқини билдүргән.

Әмма, инкаслардин мәлум болушичә, үрүмчидә йиғин мәзгилидики бихәтәрлик тәдбирлириму илгирикидәк күчәйтиливатқан болуп, йеқинда үрүмчи шәһәрлик җамаәт хәвпсизлик идариси көргәзмә мәзгилидә сиртниң аптомобиллириниң шәһәрниң асаслиқ муһим йоллирида йүрүшни чәкләйдиғанлиқи, башқа өлкә, шәһәр вә вилайәтләрниң һөкүмәт аптомобиллириниң пәқәт мәхсус рухсәт кинишкиси беҗириши керәкликини елан қилған.

Мәлумки,2009-йилидики үрүмчи вәқәси вә кейин бир қисим җайларда йүз бәргән наразилиқ вә қаршилиқ вәқәлиридин кейин, хитай даирилири асия-явропа көргәзмиси һәм башқа түрлүк мурасим җәрянлирида уйғурлар топлашқан җайлардики вә айродром, пойиз истансиси қатарлиқ қатнаш орунлиридики назарәт һәм бихәтәрликни изчил күчәйтип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт