Xitay awi'atsiye da'iriliri ürümchidiki körgezmige téximu köp adem kélishni kütmekte

Muxbirimiz ümidwar
2016-09-13
Share

Xitay 20-25-séntebir künliri ürümchide ötküzülidighan "Xitay-asiya-yawropa körgezmisi"ge téximu köp chet'el we ichkiri xitay shirketliri hem ziyaretchilirini jelp qilish üchün öz teshwiqatliri we pa'aliyetlirini kücheytmekte. Xitayning jenubi awi'atsiye shirkiti mexsus asiya-yawropa körgezmisige kélidighanlarning sanini ashurush üchün köp heriket qilmaqta.

"Shinjang géziti"ning xewiridin melum bolushiche, jenubi awi'atsiye shirkiti körgezme mezgilide, 1190 qétim nöwetchi ayropilan orunlashturup, 200 mingdin köprek orun bilen teminleshni, bélet sétiwélish we bashqa mulazimetlerni yaxshilaydighanliqini bildürgen.

Emma, inkaslardin melum bolushiche, ürümchide yighin mezgilidiki bixeterlik tedbirlirimu ilgirikidek kücheytiliwatqan bolup, yéqinda ürümchi sheherlik jama'et xewpsizlik idarisi körgezme mezgilide sirtning aptomobillirining sheherning asasliq muhim yollirida yürüshni chekleydighanliqi, bashqa ölke, sheher we wilayetlerning hökümet aptomobillirining peqet mexsus ruxset kinishkisi béjirishi kéreklikini élan qilghan.

Melumki,2009-yilidiki ürümchi weqesi we kéyin bir qisim jaylarda yüz bergen naraziliq we qarshiliq weqeliridin kéyin, xitay da'iriliri asiya-yawropa körgezmisi hem bashqa türlük murasim jeryanlirida Uyghurlar toplashqan jaylardiki we ayrodrom, poyiz istansisi qatarliq qatnash orunliridiki nazaret hem bixeterlikni izchil kücheytip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet