Ürümchi sheherlik saqchi idarisi ürümchidiki olturaq ahalilerde qérilishish nisbitining ashqanliqini tilgha alghan

Muxbirimiz qutlan
2015-03-09
Élxet
Pikir
Share
Print

"Shinjang géziti" ning bügünki xewirige qarighanda, ürümchi sheherlik saqchi idarisi ürümchidiki olturaq ahalilerde qérilishish nisbitining ashqanliqini ashkara qilghan.

Mölcherlinishiche, 2015-yilining axirigha qeder ürümchi shehiride da'imliq olturaq nopustiki ahaliler ichide 60 yashtin ashqanlar 400 minggha yétidiken. 2020-Yiligha barghanda 60 yashtin ashqanlar 500 minggha yétip, ürümchi nopusidiki qérilishish nisbiti eng téz haletke kiridiken.

Melum bolushiche, ötken yilila xitay hökümiti 2020-yiligha barghanda ürümchi shehirining nopusini 5 milyon'gha yetküzüp, uni ottura asiya rayonidiki eng chong sheherge aylandurush pilanini tüzgen.

Xitay hökümet analizchiliri ürümchi shehiridiki da'imliq olturaq ahalilerning nisbitide körülüwatqan téz sür'etlik qérilishishning sewebini xitay köchmenlirining éqip kélishidin emes, belki Uyghur élining jenub we shimalidiki yashan'ghanlarning ürümchige kélip olturaqlishishidin bolghan dep chüshendürgen.

Halbuki, xelq'aradiki közetküchiler ürümchi nopusidiki partlash xaraktérlik köpiyish bilen nopustiki téz sür'etlik qérilishishni xitay ölkiliridin türkümlep ahale köchürüsh bilen munasiwetlik dep qarimaqta.

Toluq bet