ئۈرۈمچى «8‏-ئاۋغۇست» پولات تۆمۈر زاۋۇتىغا ئوت كېتىپ، بىر ئادەم ئۆلگەن

مۇخبىرىمىز ئەركىن
2015-08-27
Share

27‏-ئاۋغۇست، «8‏-ئاۋغۇست» پولات-تۆمۈر زاۋۇتىدا ئوت ئاپىتى يۈز بېرىپ، بىر ئادەم ئۆلگەن، بىر ئادەم ئىز دېرەكسىز يوقاپ كەتكەن. شىنخۇا ئاگېنتلىقى، ئوت ئاپىتىنىڭ شۇ كۈنى چۈش ۋاقتى سائەت 12:30 دا يۈز بەرگەنلىكىنى، ئوت ئاپىتى زاۋۇت رېمونت قىلىنىۋاتقاندا كېلىپ چىققانلىقىنى بىلدۈردى.

لېكىن خىتاي ئاخبارات خەۋەرلەردە، ئوت ئاپىتىنىڭ سەۋەبى، ئۆلگەن ۋە ئىز-دېرەكسىز يوقاپ كەتكەن 2 كىشىنىڭ مىللىتى ۋە كىملىكىگە دائىر باشقا ئۇچۇرلارغا ئورۇن بېرىلمىگەن.

«8‏-ئاۋغۇست» پولات تۆمۈر زاۋۇتى شاڭخەي باۋگاڭ پولات-تۆمۈر گۇرۇھىنىڭ تارماق زاۋۇتى ئىدى.
مەزكۇر زاۋۇت 1951‏-يىلى سابىق شەرقىي تۈركىستان مىللىي ئارمىيەسىنىڭ ھەربىي سەپتىن چېكىنگەن ئەسكەرلىرىنى ئاساس قىلىپ قۇرۇلغان. ئۇ قۇرۇلغان دەسلەپكى يىللاردا شىنجاڭ ھەربىي رايونىغا قارايتتى.

مەزكۇر زاۋۇت 1953-يىلى ئۇيغۇر ئاپتونوم رايونىغا ئۆتكۈزۈپ بېرىلگەن. زاۋۇتنى 2007-يىلى شاڭخەي باۋگاڭ پولات-تۆمۈر گۇرۇھى ئۆزىگە قوشۇۋالغان ئىدى. شىنخۇا ئاگېنتلىقىنىڭ خەۋىرىدە، ئوت ئاپىتىنىڭ بىر سائەتتىن كېيىن ئۆچۈرىۋېلىنغانلىقى، نۆۋەتتە ئالاقىدار دائىرىلەر ئوت ئاپىتىنىڭ سەۋەبىنى تەكشۈرۈۋاتقانلىقىنى ئىلگىرى سۈردى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت