Da'irilerning ürümchi kona sheher rayonini özgertip qurmaqchi bolghanliqi közetküchilerning diqqitini qozghimaqta
2017.02.20
Igilinishiche, 18-féwral küni ayaghlashqan ürümchi sheherlik xelq qurultiyining 1-yighinida kelgüsidiki üch yil ichide ürümchi kona sheher rayonini özgertip qurush pilani testiqlan'ghan.
Xelq torining bu heqtiki xewirige qarighanda, ürümchi kona sheher rayonini özgertip qurush qurulushi bu yil 4-aydin bashlap resmiy bashlinidiken. Bu qurulushqa 130 milyard som meblegh sélish mölcherlenmektiken.
Xewerde körsitilishiche, özgertip qurmaqchi bolghan ürümchi kona sheher rayonining da'irisi tengritagh rayoni, saybagh rayoni, bulaqtagh rayoni we köktagh rayoni qatarliq alte rayon, 173 kwadrat kilométir jayni öz ichige alidiken.
Ürümchi kona sheher rayonidiki eng muhim jaylarning biri bolghan shinjang uniwérsitétimu bu qétimliq özgertip qurush jeryanida bashqa jaygha yötkiwétilidiken.
Ürümchi kona sheher rayoni ürümchidiki Uyghur ahaliliri topliship olturaqlashqan rayon bolup, yéqinqi bir esir mabeynide ürümchining soda, iqtisad we medeniyet merkizi bolup kelgen. Muhajirettiki Uyghur közetküchiler, ürümchi kona sheher rayonining chéqilishi xuddi qeshqer kona sheher rayonining chéqilishigha oxshashla Uyghur sheher ahalilirini tarqaqlashturup, milliy medeniyet muhitini buzup tashlashtin bashqa nerse emes, dep qarimaqta.