22-May ürümchi partlash weqesige chétishliq ikki gumandarning qéchip ketkenliki ilgiri sürülmekte

Muxbirimiz irade
2014-05-22
Élxet
Pikir
Share
Print

Peyshenbe küni etigende sa'et 7:50 ler etrapida, ürümchi shehiri saybagh rayonidiki etigenlik bazarda partlash yüz bergendin kéyin, xitay saqchi da'iriliri weqening yüz bérish shekli heqqide bir-birige oxshimaydighan xewerlerni tarqatmaqta.

Ularning bildürüshiche, weqe sadir qilghan 2 jinayet gumandari aptomobilliri partlap ketkendin kéyin, 508-nomurluq kocha aptobusigha olturup shimalgha qarap qachqan. Uqturushta bu ikki kishining kimlik melumatliri we resimi toluq bérilgen. Uningdin qarighanda, bu ikki qéchip ketken gumandarlarning biri, abduréhim memet, bu yil 29 yash. Yene biri, memettursun yasin, bu yil 26 yash bolup, uqturushta ularning jenubtin kelgenliki tilgha élin'ghan.

Emma közetküchiler, saqchi da'irilirining qandaq qilip qéchip ketkenliki ilgiri sürülüwatqan bu gumandarlarning kimlikini bunche téz éniqlap chiqqanliqigha guman bilen qarimaqta. Uning üstige da'iriler alliburun weqe meydanini tazilash xizmetlirini bashliwetken bolup, xitaydiki boshun torida bérilgen uchurda körgüchiler weqe yüz bergen kochining qamal qilinip, taziliniwatqanliqini, da'irilerning köyüp ketken derexlerni késiwatqanliqini bayan qilghan.

Weqedin kéyin, ürümchi we shundaqla bashqa herqaysi jaylarda weziyet qattiq chingip ketken bolup, ürümchige qilin'ghan uzun yolluq téléfon alaqiliriningmu normal emesliki melum bolmaqta.

Toluq bet