Ürümchide 5G tor qurulushi ishqa kirishtürülüshi diqqet qozghidi

Muxbirimiz irade
2019-11-02
Share

Xitayning shinxu'a agéntliqi tarqatqan xewerge qarighanda, 31-öktebir künidin itibaren ürümchi shehiride 5-ewlad köchme alaqilichiliqi, yeni 5G tor qurulushi ishqa kirishken. Buning bilen ürümchi xitay boyiche 5G tor dewrige kirgen deslepki 50 sheher qataridin orun alghan.

Yuqiriqi bu xewer chet'ellerdiki közetküchilerning diqqitini qozghidi. Chünki 2016-yili Uyghur rayoni da'irilirining qarari bilen peqet Uyghur éliningla yanfon tor sür'iti astilitip, 4-ewladtin 3-ewladqa, yeni 4G din 3G gha chüshürülgen idi. 

Shuning bilen mas qedemde da'iriler yene "Alaqe tori axbarat uchurliri mulazimitini bashqurush belgilimisi" ni élan qilip, Uyghur élidiki intirnét we yanfon qollan'ghuchilirigha qaratqan nazazetni mislisiz kücheytken. 2017-Yillardin bashlap lagérgha tutqun qilin'ghanlarning tutulushigha ündidarda hembehirligen adettiki yollanmiliri, téléfon alaqiliri we qol téléfonida körgen widéyoliri qatarliqlarning bahane qilin'ghanliqi aydinglashqan.

Chet'ellerdiki Uyghur közetküchilerning qarishiche, xitay hökümiti Uyghur élida 2 milyondin artuq Uyghur, qazaq qatarliq yerlik milletlerni lagérlargha qamashni, lagér sirtidikilerni mutleq kontrol astigha élishni ishqa ashurup bolghandin kéyin, ürümchide intirnét tor sür'itini örlitishi diqqet qozghaydiken. 

Shinxu'a torining bu heqtiki xewiride körsitilishiche, Uyghur rayonluq uchur-alaqe idarisi 5G tor qurulushini Uyghur élidiki 16 wilayet we oblasttiki asasliq sheherlerge kéngeytidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet