Үрүмчидики метро қатниши хадимлирини мәхсус тәрбийиләш башлиниду

Мухбиримиз үмидвар
2017-06-18
Share

Үрүмчи шәһиридә йолға қоюлидиған метро қатниши саһәсидики тунҗи түркүмдики мәхсус тәрбийә көргән хадимларни тәйярлаш хизмити башлинип, дәсләпки қәдәмдә 740 дин артуқ оқуғучини оқутуш қарар қилинған.

Үрүмчидики метроға мәсул үрүмчи шәһәрлик релислиқ қатнаш гуруһи чәклик мәсулийәт ширкити метро кәспий техника ихтисаслиқлирини көпәйтиш, метро транспорт тиҗарити хадимлар қошунини алдин-ала тәйярлаш үчүн, шинҗаң қатнаш кәспий техника институти, вухән төмүрйол техника тәрбийиләш институти вә башқа бир қисим алий мәктәпләр билән бирлишип, бу йил уйғур дияри бойичә 748 нәпәр оқуғучи қобул қилип оқутуш үчүн тизимлаш башлиған.

Тәңри тағ ториниң хәвәр қилишичә, бу оқуғучилар, метро пойизи һәйдәш, йүрүшләштүрүшни башқуруш, метро пойизини тәкшүрүп ремонт қилиш, хәвәрлишиш сигнали, төмүрйол қурулуши қатарлиқ кәсипләр бойичә оқуйдикән. Қобул қилинидиған оқуғучиларниң 2017-йили, оттура мәктәп пүттүргәнләр болуши бекитилгән болсиму, әмма үрүмчи шәһиридики мәзкур тунҗи метро қатниши кәспи бойичә қобул қилинидиған оқуғучиларниң милләт нисбити намәлум. Уйғур көзәткүчилириниң ейтишичә, мундақ техникилиқ кәсипләргә оқуғучи қобул қилишта көпинчә һалларда хитай миллитидин болған оқуғучилар көп санлиқни игиләйдиған болуп, мәсилән авиатсийә кәспи вә пойиз һәйдәш қатарлиқ кәсипләр бойичә мәхсус тәрбийиләнгән уйғур оқуғучиларниң сани чәклик болуп кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт