Үрүмчи төмүр йол идариси районида пичақлиқ һуҗум йүз бәргәнлики хәвәр қилинмақта

Мухбиримиз ирадә
2015-03-11
Елхәт
Пикир
Share
Принт


Чаршәнбә күни үрүмчи төмүр йол идариси әтрапида пичақлиқ һуҗум қилиш вәқәси йүз бәргәнлики хәвәр қилинмақта. Бу һәқтики хәвәр иҗтимаий учур алақә вастилирида тарқалғандин кейин истансимиз мухбирлири вәқә болған райондики аһалиларға телефон қилиш арқилиқ шу күни һәқиқәтән вәқә чиққанлиқини, вәқәдә адәм өлгәнликини дәлиллиди. Бирақ өлгән адәмләрниң сани техи ениқсиз.

Дәсләп ениқланған учурдин қариғанда, вәқә чаршәнбә күни ахшими йүз бәргән. Бир қанчә киши пичақ билән әтраптикиләргә һуҗум қилған. Сақчилар нәқ мәйданға йетип келип һуҗумчиларни тутқун қилған.

Һазирчә вәқәниң йүз бериш сәвәби вә вәқә пәйда қилғучиларниң кимлики техи ениқ болмисиму, төмүр йол идариси сақчиханисидики бир хадим пичақлиқ һуҗумчиларниң уйғур елиниң җәнубидин кәлгән яшлар икәнликини илгири сүрди.

Толуқ бәт