Ürümchi tömür yol idarisi rayonida pichaqliq hujum yüz bergenliki xewer qilinmaqta

Muxbirimiz irade
2015-03-11
Élxet
Pikir
Share
Print


Charshenbe küni ürümchi tömür yol idarisi etrapida pichaqliq hujum qilish weqesi yüz bergenliki xewer qilinmaqta. Bu heqtiki xewer ijtima'iy uchur alaqe wastilirida tarqalghandin kéyin istansimiz muxbirliri weqe bolghan rayondiki ahalilargha téléfon qilish arqiliq shu küni heqiqeten weqe chiqqanliqini, weqede adem ölgenlikini delillidi. Biraq ölgen ademlerning sani téxi éniqsiz.

Deslep éniqlan'ghan uchurdin qarighanda, weqe charshenbe küni axshimi yüz bergen. Bir qanche kishi pichaq bilen etraptikilerge hujum qilghan. Saqchilar neq meydan'gha yétip kélip hujumchilarni tutqun qilghan.

Hazirche weqening yüz bérish sewebi we weqe peyda qilghuchilarning kimliki téxi éniq bolmisimu, tömür yol idarisi saqchixanisidiki bir xadim pichaqliq hujumchilarning Uyghur élining jenubidin kelgen yashlar ikenlikini ilgiri sürdi.

Toluq bet