Ürümchi bilen korla arisidiki tömür yol qatnishi köpeytildi

Muxbirimiz ümidwar
2015-10-18
Share


Xitay qatnash da'iriliri ürümchi bilen korla sheherliri arisida her küni üch qétim sayahet téz poyiz qatnishi yolgha qoymaqchi.

Xitay yéqinqi yillardin buyan Uyghur élining jenubining iqtisadini téz tereqqi qildurush, xitay boyiche eng kembeghel nahiyiler jaylashqan bu rayonlarni güllendürüsh üchün qatnashni qolaylashturush sho'arini otturigha qoyup, ürümchi bilen ichki xitay, ürümchi bilen jenubiy rayonlardiki sheher we nahiyiler arisida tömür yoli torini qurush qedimini tézletken idi. “Asiya kindiki géziti” we bashqa Uyghur torlirining xewer qilishiche,

Ürümchi shehiri bilen korla arisida 21 - öktebir künidin bashlinidighan her küni üch nöwetlik téz poyiz qatnishining bahasimu anche yuqiri emes bolup, téximu köp ademning korla da'irisige sayahetke bérip kélishige qolay shara'it yaritilidiken.

Ürümchi sheher tömür yol da'iriliri ürümchi - korla arisida künde üch qétim téz poyiz qatnishini yolgha qoysimu, emma bélet bahasini östürmigenliki we yoluchilargha köp étibar béridighanliqini bildürgen. Ilgiri mezkur ikki sheher arisida peqet adettiki poyiz qatnishi bar idi.

Analizchilarning éytishiche, belki da'iriler kelgüside qeshqer, aqsu qatarliq sheherler bilen ürümchi bashqa sheherler arisidimu téz poyiz qatnishini kücheytishi we shu arqiliq téximu köp xitay köchmenlirining ichkiri ölkilerdin Uyghurlar hazir 70% artuq boluwatqan tengri taghlirining jenubigha kélip orunlishishi we netijide, nopus tengpungluq ehwalida téz özgirish yüz bérishi mumkinlikini perez qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet