Хитай бу йилқи үрүмчи явро - асия йәрмәнкисигә 46 дөләтниң қатнишидиғанлиқни елан қилди

Мухбиримиз үмидвар
2013-08-04
Share


Совет иттипақиниң йимирилишидин кейин үрүмчи йәрмәнкиси намида башланған чәтәл сода - иқтисад херидарлирини чақириш вә мәбләғ җәлп қилиш паалийити 2011 - йилидин етибарәт дәриҗиси өстүрүлүп явро - асия көргәзмиси дегән нам астидики кәң көләмлик сода - иқтисад учур алмаштуруш вә келишим түзүш паалийитигә айландурулған иди.

Мәлум болушичә, йеқиндин буян хитай мәзкур паалийәткә техиму көп дөләтләрни вә хәлқаралиқ сода - иқтисад вә пул - муамилә тәшкилатлириниң қатнишишни қолға кәлтүрүшкә тиришқан.

Хитай ахбарат васитилириниң йезишичә, йеқинда уйғур аптоном районлуқ көргәзмә өткүзүш идариси бу йил 9 - айда өткүзүлидиған хәлқаралиқ явро - асия көргәзмисигә 46 дөләтниң тизимға алдуруп, өткән йилидикидин 11 дөләт көпәйгәнлики, көпәйгән дөләтләр канада, һиндистан қатарлиқ дөләтләр икәнликини җакарлиған.

Шинхуа торидики бу һәқтики учурдин мәлум болушичә, бу қетимқи көргәзмигә б д т тәрәққият - пилан оргини, б д т санаәт тәрәққият тәшкилати, асия тәрәққият банкиси, шаңхәй һәмкарлиқ тәшкилати, дуня пул - муамилә тәшкилати қатарлиқ 7 орган өз вәкиллирини қатнаштуридиғанлиқини билдүргән.

Әлвәттә, хитайниң әң чоң көргәзмилиридин бири һесабланған үрүмчи явро - асия көргәзмиси 2013 - йили, уйғур диярида бир қатар зор вәқәләр йүз берип, маралбеши, лүкчун вәқәлири хәлқра җәмийәттә ғулғула пәйда қилған, бейҗиң мәркизий һөкүмити биваситә район бихәтәрликини назарәт қилишни күчәйткән, муқимлиқ тәдбирлири наһайити күчәйтилгән вақитқа тоғра кәлди. Хәлқра мәтбулатларда хитайдики әң муқимсиз район дәп қариливатқан уйғур аптоном райониниң мәркизи үрүмчидә хәлқаралиқ көргәзмә ечилип, буниңға техиму көп дөләтләрни қатнишишни халиши түрлүк тәһлилләргә сәвәб болмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт