Xitay bu yilqi ürümchi yawro - asiya yermenkisige 46 döletning qatnishidighanliqni élan qildi

Muxbirimiz ümidwar
2013-08-04
Share


Sowét ittipaqining yimirilishidin kéyin ürümchi yermenkisi namida bashlan'ghan chet'el soda - iqtisad xéridarlirini chaqirish we meblegh jelp qilish pa'aliyiti 2011 - yilidin étibaret derijisi östürülüp yawro - asiya körgezmisi dégen nam astidiki keng kölemlik soda - iqtisad uchur almashturush we kélishim tüzüsh pa'aliyitige aylandurulghan idi.

Melum bolushiche, yéqindin buyan xitay mezkur pa'aliyetke téximu köp döletlerni we xelq'araliq soda - iqtisad we pul - mu'amile teshkilatlirining qatnishishni qolgha keltürüshke tirishqan.

Xitay axbarat wasitilirining yézishiche, yéqinda Uyghur aptonom rayonluq körgezme ötküzüsh idarisi bu yil 9 - ayda ötküzülidighan xelq'araliq yawro - asiya körgezmisige 46 döletning tizimgha aldurup, ötken yilidikidin 11 dölet köpeygenliki, köpeygen döletler kanada, hindistan qatarliq döletler ikenlikini jakarlighan.

Shinxu'a toridiki bu heqtiki uchurdin melum bolushiche, bu qétimqi körgezmige b d t tereqqiyat - pilan orgini, b d t sana'et tereqqiyat teshkilati, asiya tereqqiyat bankisi, shangxey hemkarliq teshkilati, dunya pul - mu'amile teshkilati qatarliq 7 organ öz wekillirini qatnashturidighanliqini bildürgen.

Elwette, xitayning eng chong körgezmiliridin biri hésablan'ghan ürümchi yawro - asiya körgezmisi 2013 - yili, Uyghur diyarida bir qatar zor weqeler yüz bérip, maralbéshi, lükchun weqeliri xelq'ra jem'iyette ghulghula peyda qilghan, béyjing merkiziy hökümiti biwasite rayon bixeterlikini nazaret qilishni kücheytken, muqimliq tedbirliri nahayiti kücheytilgen waqitqa toghra keldi. Xelq'ra metbulatlarda xitaydiki eng muqimsiz rayon dep qariliwatqan Uyghur aptonom rayonining merkizi ürümchide xelq'araliq körgezme échilip, buninggha téximu köp döletlerni qatnishishni xalishi türlük tehlillerge seweb bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.