Хитайниң уруш тәйярлиқи елип бериватқанлиқи илгири сүрүлмәктә

Мухбиримиз нуриман
2020-05-27
Share

Америкада чиқидиған «хәвәрләр һәптилики» (NewsWeek) ториниң хәвиригә асасланғанда, хитайниң бу йил һәрбий ишларға аҗатқан селинмиси 178 милярд долларға йәткән.

Хитай һөкүмәт таратқулириниң хәвиригә қариғанда, ши җинпиң хитай хәлқ азадлиқ армийиси вә хитай қораллиқ сақчи қисимлириниң вәкилләр йиғиниға қатнашқанда, хитайниң 2020-йиллиқ дөләт мудапийәси вә қораллиқ күчләрни күчәйтиш нишани һәм вәзиписини әмәлгә ашурушни алаһидә тәкитлигән.

Алдинқи һәптә хитай дөләт хамчотиниң тәпсилатлирини елан қилған болуп, корона вируси елип кәлгән иқтисади зиянға қаримай хитайниң һәрбий хираҗитиниң 2019-йили йәнила 6. 6 Пирсәнт ашқанлиқи көрситилгән.

Ройтирис агентлиқиниң хәвиригә қариғанда, ши җинпиң вирусниң «дөләт бихәтәрликигә чоңқур тәсир көрситиши» дин «әндишә қиливатқанлиқи», шуңа һәрбийләрниң йеңи мәшиқ усуллириға диққәт қилиши керәклики вә қораллиқ җәңгә тәйярлиқ қилиш салмиқини ашурушини тәкитлигән.

Көзәткүчиләр хитайниң вирусни контрол қелишни баһанә қилип, хоңкоң, хитай-һиндистан чеграси вә башқа сәзгүр районларға қарита уруш қилишқа һазирлиқ қиливатқанлиқини илгири сүрүшмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт