Xitayning urush teyyarliqi élip bériwatqanliqi ilgiri sürülmekte

Muxbirimiz nur'iman
2020-05-27
Élxet
Pikir
Share
Print

Amérikada chiqidighan "Xewerler heptiliki" (NewsWeek) torining xewirige asaslan'ghanda, xitayning bu yil herbiy ishlargha ajatqan sélinmisi 178 milyard dollargha yetken.

Xitay hökümet taratqulirining xewirige qarighanda, shi jinping xitay xelq azadliq armiyisi we xitay qoralliq saqchi qisimlirining wekiller yighinigha qatnashqanda, xitayning 2020-yilliq dölet mudapiyesi we qoralliq küchlerni kücheytish nishani hem wezipisini emelge ashurushni alahide tekitligen.

Aldinqi hepte xitay dölet xamchotining tepsilatlirini élan qilghan bolup, korona wirusi élip kelgen iqtisadi ziyan'gha qarimay xitayning herbiy xirajitining 2019-yili yenila 6. 6 Pirsent ashqanliqi körsitilgen.

Roytiris agéntliqining xewirige qarighanda, shi jinping wirusning "Dölet bixeterlikige chongqur tesir körsitishi" din "Endishe qiliwatqanliqi", shunga herbiylerning yéngi meshiq usullirigha diqqet qilishi kérekliki we qoralliq jengge teyyarliq qilish salmiqini ashurushini tekitligen.

Közetküchiler xitayning wirusni kontrol qélishni bahane qilip, xongkong, xitay-hindistan chégrasi we bashqa sezgür rayonlargha qarita urush qilishqa hazirliq qiliwatqanliqini ilgiri sürüshmekte.

Toluq bet