Xitayning Uyghur élide turushluq herbiy qisimliri bilen qoralliq saqchi qisimlirining urush teyyarliqi qilishqa seperwerlik qilinishi diqqet qozghidi

Muxbirimiz irade
2020-05-28
Share

Xitayning Uyghur élide turushluq herbiy qisimliri bilen qoralliq saqchi qisimlirining nöwette keng kölemlik emeliy jeng meshiqige kirishkenliki melum.

Xitayning "Shinjang géziti" de élan qilin'ghan xewerlerge qarighanda, xitayning Uyghur élide turushluq herbiy qisimliri bilen qoralliq saqchi qisimliri nöwette xitay dölet re'isi shi jinpingning béyjingda échiliwatqan ikki qurultay mezgilide qilghan sözige bina'en herbiy meshiq we urush teyyarliqi sewiyesini yuqiri kötürüshke jiddiy atlan'ghan.

Uningda "Shi jinpingning chaqiriqigha bina'en 5-ayning 26-küni chüshtin kéyin shinjang herbiy rayoni uniwérsal meshiq meydanida emeliy jeng meshiqi qizip ketti," déyilgen.

Xitay dölet re'isi shi jinping ikki qurultay mezgilide xitay xelq azadliq armiyesi we xitay qoralliq saqchi qisimlirining wekiller yighinida söz qilip, urush teyyarliqini kücheytishni tekitligen idi. U shu künidiki sözide "Biz choqum herbiy meshiqini omumyüzlük kücheytip, urushqa teyyarliq qilishimiz, her xil murekkep ehwallarni waqtida we ünümlük bir terep qilip, döletning igilik hoquqi, bixeterliki, omumiy istratégiyelik muqimliqini qoghdishimiz kérek," dégen. Uning bu sözi chet'el axbaratlirining diqqitini qozghighan idi.

"Shinjang géziti" ning xewiride Uyghur élide turushluq herbiy qisimlar we qoralliq qisimlarning shi jinpingning chaqiriqini qizghin qollap, "Biz barliq oy-pikirlirimizni urush teyyarliqigha merkezleshtürüshimiz kérek, urushqa ünümlük teyyarlinip, jeng wezipisini orundashqa kapaletlik qilishimiz kérek," dégenliki tekitlen'gen.

Xitayning amérika bilen bolghan munasiwetliri qattiq keskinlishiwatqan bir peytte Uyghur élidiki xitay herbiy qisimliri bilen qoralliq saqchi qisimlirining jiddiy türde emeliy jeng meshiqige kirishishi diqqet qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet