Yawropa parlaméntida Uyghur we tibetler heqqide muhakime yighini ötküzülidu

Muxbirimiz erkin
2017-02-03
Share

8‏-Féwral yawropa parlaméntida "Xitayning térrorluqqa qarshi turush siyasiti we uning Uyghur hem tibetlerge tesiri" serlewhilik muhakime yighini ötküzülidu.

Yawropa parlamént ezasi ilxan küchuk bilen tomas manning sahipxanliqidiki bu yighin wakaletsiz milletler -xelqler teshkilati, xelq'ara tibet herikiti, xelq'ara kishilik hoquq fédiratsiyesi qatarliq teshkilatlarning hemkarliqida uyushturulghan.

Wakaletsiz milletler-xelqler teshkilatining bayanatida qeyt qilishiche, "Bu yighinning meqsiti 'xitay térrorluqqa qarshi turush qanuni' ning Uyghur we tibetlerge oxshash konkrét diniy guruhlarning heq-hoquqlirigha peyda qilghan xewp ‏-xetirige qarita yawropa parlaméntining diqqitini qozghash" iken.

Mezkur yighinda, xelq'ara tibet herikitining yawropa diréktori wénsént méttén, en'gliyede turushluq musteqil tetqiqatchi enwer toxti, firansiyelik xitayshunas mariya xolzmen qatarliq mutexessisler we pa'aliyetchiler doklat béridu.

Enwer toxti, "Xitayning bixeterlik we térrorluqqa qarshi turush siyasitining Uyghur jem'iyitige bolghan tesiri" dégen témida doklat béridiken. Wakaletsiz milletler‏-xelqler teshkilatining qeyt qilishiche, xitayning 2016‏-yili 1‏-yanwardin bashlap yolgha qoyulghan mezkur qanunida, térrorluq bilen éniqlimisi müjmel diniy esebiylik uqumi arilashturuwétilip, din'gha baghlap qoyulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.