Bu yil Uyghur élidiki asasiy mu'essese qurulushigha 160 milyard yüen meblegh sélinidiken

Muxbirimiz jüme
2016-04-09
Share

Uyghur aptonom rayon da'iriliri Uyghur élidiki asasiy mu'essese qurulushigha bu yil 160 milyard yüen meblegh salidiken. Shinxu'a agéntliqida körsitishiche, bu mebleghlerning 55 pirsentke yéqin qismi 223 xil chong tiptiki qorulush türlirige ishlitilidiken.

Bular ürümchi ayroportni kéngeytip qurush, jungghar oymanliqidin bashlinidighan tok yetküzüsh liniyesini xitayning enxuy ölkisige tutashturush qatarliqlarni öz ichige alidiken.

Buningda téximu diqqet artidighan yene bir nuqta bolsa qalghan 80 milyard yüen mebleghning 66.5 Milyard yüen qismining qosh tilliq yesli qatarliqlargha ishlitidighanliqi, qalghan qismining tebi'iy gaz we ilme - toqumichiliq sana'itige serp qilinidighanliqida.

Xitay da'iriliri yéqini bir xewiride Uyghur élide 2020 - yilighiche qosh til ma'aripini omumlashturup bolidighanliqi, bu yil yéza qosh til oqutquchilirini qobul qilish salmiqini ashurup, yene 10 ming qosh til oqutquchisi qobul qilidighanliqini bildürgen.

Közetküchilerning ilgiri radi'omizgha bildürüshiche, xitayning Uyghurlargha qaratqan qosh til siyasiti Uyghurlarni eng küchlük endishige sélip kéliwatqan siyasetlerning biri bolup, Uyghurlar mezkur siyasetni Uyghur milliy kimlikni ajizlitishni meqset qilghan, dep qaraydiken.

Xitay hökümiti téxi yéqindila Uyghur élide ötilidighan Uyghur edebiyat derslikidin Uyghur klassiklirining eserlirini chiqiwétip, ornigha xitay aptorlirining terjime eserlirini kirgüzgen. Bu Uyghur ziyaliylirining naraziliqini qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet