Аяллири “йепиқ тәрбийә лагери”дики гилгит - балтистанлиқ әрләр пакситан - хитай чеграсини тақайдиғанлиқини җакарлиди

Мухбиримиз ирадә
2018-03-27
Share

Уйғур аялларға өйләнгән 50 тин артуқ гилгит-балтистанлиқ әр уйғур елидики “тәрбийәләш лагери”ға тутуп кетилгән аяллиридин йәнә хәвәр алалмиса пакистан - хитай чегрисини тақайдиғанлиқини җакарлиди.

Йеқиндин буян уйғур елидики “йепиқ тәрбийәләш лагерлири” сәвәбидин аяли вә балилиридин айрилған 50 тин ошуқ гилгит - балтистанлиқ әр дава қилип, хитай һөкүмитидин дәрһал аяллири вә балилирини қоюп беришни тәләп қилған болсиму, бир нәтиҗиси көрүлмигән иди.

Пакистанниң “дөләт” гезитиниң 27-март күни хәвәр қилишичә,  гилгит - балтистан районидики һәрқайси сиясий вә аммиви тәшкилатлар, тиҗарий органлар бирликтә баянат елан қилип, хитай һөкүмити гилгит - балтистанлиқларниң аяллирини тутуп турушни давам қилған тәқдирдә, хитай билән болған барлиқ тиҗарий алақиләрни байқут қилидиғанлиқини вә пакситан - хитай чегрисини тақайдиғанлиқини җакарлиған.

Гилгит - балтистанлиқлар ортақ баянатида йәнә пакистан һөкүмитини қәшқәрдә ишхана ечип, пакистанлиқ тиҗарәтчиләр дучар болған бу мәсилини дәрһал бир тәрәп қилишқа чақирған.

Гелгит-балтистан парламенти йеқинда ир қарар лайиһәси мақуллап, пакистан федератсийә һөкүмитидин 50 нәпәр гелгитлиқ әрниң уйғур миллитидин болған аяллириниң“ тәрбийәләш лагери”дин қоюп берилиши үчүн һәрикәткә өтүшини тәләп қилған иди.

Мәлум болушичә, аяллири йепиқ “тәрбийәләш”кә тутуп кетилгән гелгит-балтистанлиқ әрләр бир йилдин артуқ вақиттин бери аялири вә балилиридин хәвәр алалмайватқан болуп, хитай даирилири әйни вақитта уларниң уйғур елидә турушлуқ қәғизини бикар қилип чегридин чиқиривәткән.Уларниң қолида қанунлуқ визиси бар болсиму, хитай чегра даирилири уларни чегридин қайта киргили қоймиған.Гилгит - балтистан пакистан хәлқ партийиси башлиқи амҗад һүсәйин “дөләт” гезитигә қилған сөзидә, пакистанниң бейҗиңда турушлуқ әлчиханисниң һазирғичә бир тәдбир қолланмиғанлиқини әйиблигән вә “ бу гилгит - балтистанлиқлар үчүн җиддий бир мәсилә, бир тәрәп қилинмиған тәқдирдә икки дөләт мунасивитигә еғир зиянларни пәйда қилиду” дегән.

Уларниң бу паҗиәлик һикайиси бүгүн йәнә франсийә агентлиқи, хоңкоң әркин мәтбуати қатарлиқ ахбаратлардиму орун алди. Хәвәрләрдә, хитай һөкүмитиниң уйғур елидә қаттиқ қол бесим сиясити йүргүзүп, йүз миңлиған уйғурни“ тәрбийәләш лагерларлир”иға солаватқанлиқи вә уларға вәтәнпәрвәрлик сиясий идийә тәрбийәси бериватқанлиқи баян қилинди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт