Ayalliri “Yépiq terbiye lagéri”diki gilgit - baltistanliq erler paksitan - xitay chégrasini taqaydighanliqini jakarlidi

Muxbirimiz irade
2018.03.27
Share on WhatsApp
Share on WhatsApp

Uyghur ayallargha öylen'gen 50 tin artuq gilgit-baltistanliq er Uyghur élidiki “Terbiyelesh lagéri”gha tutup kétilgen ayalliridin yene xewer alalmisa pakistan - xitay chégrisini taqaydighanliqini jakarlidi.

Yéqindin buyan Uyghur élidiki “Yépiq terbiyelesh lagérliri” sewebidin ayali we baliliridin ayrilghan 50 tin oshuq gilgit - baltistanliq er dawa qilip, xitay hökümitidin derhal ayalliri we balilirini qoyup bérishni telep qilghan bolsimu, bir netijisi körülmigen idi.

Pakistanning “Dölet” gézitining 27-mart küni xewer qilishiche,  gilgit - baltistan rayonidiki herqaysi siyasiy we ammiwi teshkilatlar, tijariy organlar birlikte bayanat élan qilip, xitay hökümiti gilgit - baltistanliqlarning ayallirini tutup turushni dawam qilghan teqdirde, xitay bilen bolghan barliq tijariy alaqilerni bayqut qilidighanliqini we paksitan - xitay chégrisini taqaydighanliqini jakarlighan.

Gilgit - baltistanliqlar ortaq bayanatida yene pakistan hökümitini qeshqerde ishxana échip, pakistanliq tijaretchiler duchar bolghan bu mesilini derhal bir terep qilishqa chaqirghan.

Gélgit-baltistan parlaménti yéqinda ir qarar layihesi maqullap, pakistan fédératsiye hökümitidin 50 neper gélgitliq erning Uyghur millitidin bolghan ayallirining“ Terbiyelesh lagéri”din qoyup bérilishi üchün heriketke ötüshini telep qilghan idi.

Melum bolushiche, ayalliri yépiq “Terbiyelesh”ke tutup kétilgen gélgit-baltistanliq erler bir yildin artuq waqittin béri ayaliri we baliliridin xewer alalmaywatqan bolup, xitay da'iriliri eyni waqitta ularning Uyghur élide turushluq qeghizini bikar qilip chégridin chiqiriwetken.Ularning qolida qanunluq wizisi bar bolsimu, xitay chégra da'iriliri ularni chégridin qayta kirgili qoymighan.Gilgit - baltistan pakistan xelq partiyisi bashliqi amjad hüseyin “Dölet” gézitige qilghan sözide, pakistanning béyjingda turushluq elchixanisning hazirghiche bir tedbir qollanmighanliqini eyibligen we “ Bu gilgit - baltistanliqlar üchün jiddiy bir mesile, bir terep qilinmighan teqdirde ikki dölet munasiwitige éghir ziyanlarni peyda qilidu” dégen.

Ularning bu paji'elik hikayisi bügün yene fransiye agéntliqi, xongkong erkin metbu'ati qatarliq axbaratlardimu orun aldi. Xewerlerde, xitay hökümitining Uyghur élide qattiq qol bésim siyasiti yürgüzüp, yüz minglighan Uyghurni“ Terbiyelesh lagérlarlir”igha solawatqanliqi we ulargha wetenperwerlik siyasiy idiye terbiyesi bériwatqanliqi bayan qilindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.