Хитайниң уйғур аял лагер шаһитлириниң шәхсийитигә һуҗум қилиши қаттиқ әйибләшкә учриди

Мухбиримиз әркин
2021-03-01
Share

Хитайниң баянат елан қилип, уйғур аял лагер шаһитлириниң шәхсийитигә һуҗум қилиши иҗтимаий таратқуда қаттиқ әйибләшкә учриди. Кишилик һоқуқ көзитиш тәшкилатиниң хитай ишлири директори софийә ричардсон 1-март тиветтирда хитай ташқи ишлар министирлиқиниң һуҗумиға инкас билдүрүп, "бу өзиниң баянлирини контрол қилишму яки ирқчил аяллар дүшмәнликиниң хитай дөләт сиясити икәнликини етирап қилишму" дәп тәкитлигән. Софийә ричардсонниң ейтишичә, хитайниң һуҗуми "хитай һөкүмитиниң бу мәсилидә ишәнчлик әмәсликиниң қалтис истратегийәси" икән.

Америкадики уйғур адвокат рәйһан әсәт тиветтирдики инкасида хитай ташқи министирлиқи баянатчисиниң сөзини тәнқидләп, "мән бундақ пәскәшликни һечқачан аңлап бақмиған" дәп көрсәткән. Униң тәкитлишичә, хитай ташқи ишлар министирлиқи баянатчисиниң "башқиларниң характеригә баһа бериш салаһийити йоқ" икән. Уйғур лагер шаһити турсунай зиявудун лагерларда уйғур аяллириға системилиқ басқунчилиқ қилиниватқанлиқини ашкарилап дуняни зилзилигә салған. Хитай ташқи ишалар министирлиқи баянатчиси ваң венбин өткән һәптә турсунай зиявудунниң шәхсийитигә һуҗум қилғаниди.

Ройтерс агентлиқиниң хәвәр қилишичә, америка җорҗитовн университетиниң профессори җеймис милвард "буни биологийә, көпийиш вә җинсийәт нуқтисидин алғанда дуня үчүн бәк қорқунчлуқ", "хитай буни тонуп йәткәндәк қилиду. Шуңа униң бундақ һамақәтләрчә җавап бәргәнликини көрүватисиз" дегән. Ройтерс агентлиқиниң билдүрүшичә, хитай ташқи ишлар министирлиқи 1-март уйғур лагер шаһитлириниң конкрет учурлириға даир соалларға җаваб беришни рәт қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт