"атлантик" жорнилида хитайниң зулумидин қечип чәт әлләрдә яшаватқан уйғур аяллириниң қейинчилиқлири тонуштурулди

Мухбиримиз ирадә
2021-04-08
Share

Американиң нопузлуқ мәтбуатлиридин болған "атлантик" жорнилида "уйғур аяллири үчүн шинҗаңдин кәткәнлик хитайниң алқинидин қечип қутулғанлиқ болмиди" мавзулуқ бир парчә зор көләмлик мақалә елан қилинди.

Мақалидә хитайниң 2017-йилидин башлап уйғурларға қаратқан зор көләмлик бастуруш һәрикитиниң нәтиҗисидә әрлиридин айрилип қелип түркийә қатарлиқ дөләтләрдә мусапирчилиқниң пүткүл мушәққәтлири билән ялғуз көрәш қилишқа мәҗбур болған уйғур аяллириниң һекайилири баян қилинған.

Мақалида хитайниң йолйоруқи билән мисирдики уйғурларни тутқун қилиш башланғанда әрлири тутулуп кетип, балилири билән ялғуз түркийәгә қечип кәлгән, ери чәт әлгә чиқалмай хитайниң лагериға қамалған яки болмиса виза чәклимиси сәвәблик чәт әлләрдә айрим-айрим дөләтләрдә яшап бирлишәлмәйватқан, қисиқиси охшимиған сәвәбләр билән охшаш қисмәтләргә йолуққан уйғур аяллириниң мусапирлиқтики муҗадилиси баян қилинған. Аптор мақалисида түркийә қатарлиқ дөләтләрдә яшаватқан уйғур аяллириниң яшашни давамлаштуруш күриши, қейинчилиқлири вә уларниң өз-ара мүрини мүригә тирәп туруп яшаштәк қәйсәр роһини тәпсилий йорутуп бәргән.

Мақалидә дуня уйғур қурултийиниң ахбаратқа мәсул дериктори зумрәтай әркин зиярәт қилинған. Зумрәтай чәт әлләрдики уйғур аяллириниң қейинчилиқлириниң нәзәрдин сақит қилинғанлиқини, чүнки һәммә кишиниң диққити лагерларға мәркәзлишип қелип, униң яндаш тәсирлиригә йетәрлик диққәткә еришәлмәй қалғанлиқини билдүргән. У: "уйғурларға қаритилған бастурушни ‹көп тәрәплимилик кризис' дәп чүшиниш керәк, бу киризисниң нурғун тәрәплири нәзәрдин сақит қилинди," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт