Хитай һөкүмити "аяллар вәтәнпәрвәрлики" тәшвиқатини башлиди

Мухбиримиз әзиз
2021-09-06
Share

Хитай һөкүмитиниң ‍үзүлмәстин давам қиливатқан сиясий тәшвиқатлиридики бир мәзмун йеқинда ақсу вилайитидә башланған "аяллар вәтәнпәрвәрлик тәрбийиси базиси" қурулушида әкс етишкә башлиди.

"ақсу гезити" ниң бу һәқтики хәвиридә ейтилишичә, уйғур дияридики тунҗи "аяллар вәтәнпәрвәрлик тәрбийиси базиси" ақсу шәһриниң егәчи йезисида ечилған. Уйғур аптоном районлуқ аяллар бирләшмисиниң партийә секретари ваң лишя бу паалийәткә қатнашқан һәмдә сөз қилип "бу хил базилар арқилиқ җуңхуа кимлики еңини техиму күчәйтиш һәмдә қизил әнәнини техиму яхши җари қилдуруш лазим" дегән. Шуниңдәк бу хил тәрбийә базилирини пүтүн уйғур дияриға кеңәйтиш лазимлиқини тәкитлигән.

Әмма муһаҗирәттики бир қисим анализчилар буниң әмәлийәттә йеқинқи бирнәччә йилдин буян хитай һөкүмитиниң "җуңхуа кимлики" дәп аталған хитай кимликини омумлаштуруш паалийитиниң бир қисми икәнликини тәкитлиди. Америкадики мустәқил анализчи елшат һәсән бу һәқтә пикир қилип: "хитай һөкүмити хитай кимликини әмәлгә ашуруштики бир муһим қәдәм сүпитидә уйғур қиз-чоканлирини шәрқий түркистанға көчүп кәлгән хитай аққунлири билән той қилишқа мәҗбурлаватиду. Әмди уларниң бу хил тәрбийә базиси қуруши мушу хилдики фашистик таҗавузчилиқ қилмишлирини техиму кеңәйтиш вә қанунлаштуруш үчүн хизмәт қилиду," деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт