Xitay hökümiti "Ayallar wetenperwerliki" teshwiqatini bashlidi

Muxbirimiz eziz
2021-09-06
Share

Xitay hökümitining ‍üzülmestin dawam qiliwatqan siyasiy teshwiqatliridiki bir mezmun yéqinda aqsu wilayitide bashlan'ghan "Ayallar wetenperwerlik terbiyisi bazisi" qurulushida eks étishke bashlidi.

"Aqsu géziti" ning bu heqtiki xewiride éytilishiche, Uyghur diyaridiki tunji "Ayallar wetenperwerlik terbiyisi bazisi" aqsu shehrining égechi yézisida échilghan. Uyghur aptonom rayonluq ayallar birleshmisining partiye sékrétari wang lishya bu pa'aliyetke qatnashqan hemde söz qilip "Bu xil bazilar arqiliq jungxu'a kimliki éngini téximu kücheytish hemde qizil en'enini téximu yaxshi jari qildurush lazim" dégen. Shuningdek bu xil terbiye bazilirini pütün Uyghur diyarigha kéngeytish lazimliqini tekitligen.

Emma muhajirettiki bir qisim analizchilar buning emeliyette yéqinqi birnechche yildin buyan xitay hökümitining "Jungxu'a kimliki" dep atalghan xitay kimlikini omumlashturush pa'aliyitining bir qismi ikenlikini tekitlidi. Amérikadiki musteqil analizchi élshat hesen bu heqte pikir qilip: "Xitay hökümiti xitay kimlikini emelge ashurushtiki bir muhim qedem süpitide Uyghur qiz-chokanlirini sherqiy türkistan'gha köchüp kelgen xitay aqqunliri bilen toy qilishqa mejburlawatidu. Emdi ularning bu xil terbiye bazisi qurushi mushu xildiki fashistik tajawuzchiliq qilmishlirini téximu kéngeytish we qanunlashturush üchün xizmet qilidu," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet