Zimistan: "Uyghur ayalliri jazaliniwatidu, ayallar hoquqini qoghdighuchilar ularni qollamdu?"

Muxbirimiz erkin
2020-06-12
Élxet
Pikir
Share
Print

12-May küni italiyediki "Zimistan" namliq diniy erkinlik torida élan qilin'ghan bir maqalide Uyghur ayallirining jazaliniwatqanliqi, lékin dunyadiki feminist yeni ayallar hoquqi heriketlerining bu tragédiyege süküt qiliwatqanliqi tenqid qilindi. Maqalide, "Uyghur ayallirining basqunchiliqqa uchrawatqanliqi, xitaylar bilen toy qilishqa mejburliniwatqanliqi, tutqun qilinip qorqunchluq terbiyelesh lagérlirigha qamalghanliqi we öltürülgenliki" eskertilip, lékin buni "Gherbtiki ayallar hoquqini qoghdighuchilar (feministler) némishqa körmeske salidu?" dep so'al qoyulghan.

"Uyghur ayalliri jazaliniwatidu, feministler ularni qollamdu?" mawzuluq maqalini amérikadiki "Uyghur herikiti teshkilati" ning rehbiri, Uyghur pa'aliyetchi roshen abbas qelemge alghan. U, xitayning Uyghur ayallirini xitaylar toy qilishqa mejburlap, ularning neslini özgertishke kirishkenlikini agahlandurup: "Buni hökümetning qollishida pütkül ayal jinsigha kolléktip basqunchiliq qilip, ularni Uyghur qan sistémisidin yiraqlashturushni meqset qilghan, dep chüshinistin bashqa amal yoq. Uyghur ayalliri emdi Uyghur balilirini tughup bérelmeydu. Emdi yéngi ewlad Uyghurlar tughulmaydu. Xitayning sistémiliq irqiy qirghinchiliqi aptomatik tömüryol rélisigha baghlap qoyuldi" dégen.

Uning tekitlishiche, xitay hökümiti Uyghur ayallirini qulluqqa tutqan bir mezgilde dunyaning her qaysi jayliridiki ayallar heqiqiy menide we qurban béreleydighan shekilde birliship, Uyghur ayallirining tégishlik izzet-hörmetke sazawer bolushi üchün atlinishi kérek iken. U maqalisining axirida yene mundaq dégen: "B d t sétiwélindi. Erkin dunyaning rehberliri süküt qilmaqta. Xolliwud xitayning puli bilen méngishni tallidi. Ular özining rohini satalisimu, lékin ayallarning rohi bek küchlük. Axirida heqiqet ghelibe qilidu".

Toluq bet