گۇاڭجۇ شەھەر باشقۇرۇش تارماقلىرى بىر ئۇيغۇر بوۋاينى ئۇرۇپ يارىلاندۇرغان

مۇخبىرىمىز جۈمە
2013-08-10
Share

رادىئومىزنىڭ ئىگىلىشىچە گۇاڭجۇدىكى شەھەر باشقۇرۇش تارماقلىرى مەزكۇر شەھەردە يايمىچىلىق قىلىدىغان بىر ئۇيغۇر بوۋاينى ئۆز ئىچىگە ئالغان ئۇچ ئادەمنى ئۇرۇپ يارىلاندۇرغان.

ۋەقە پەيشەنبە كۈنى كەچقۇرۇن گۇاڭجۇ شەھىرى ليىڭ مەيدانى يېنىدىكى سودا - سانائەت بانكىسى ئەتراپىدا يۈز بەرگەن.

شەھەر باشقۇرۇش خادىملىرى ئۇرغان 3 ئۇيغۇرنىڭ ئىككىسى ياش بولۇپ ئۇلار يارىلانمىغان، ئەمما ئۇيغۇر بوۋاينىڭ بېشى يېرىلىپ، يۈز - كۆزلىرى قانغا بويىلىپ كەتكەن.

بوۋاينىڭ بۇ رەسىمى ۋە نەق مەيدان كۆرۈنۈشى بىر قىسىم خىتايچە مۇنازىرە بەتلىرىگە چاپلانغان.

مەلۇم بولۇشىچە، شەھەر باشقۇرۇش خادىملىرى بۇ ئۇيغۇر بوۋاينى ئۇرۇۋاتقاندا ئەتراپتىكى ئامما غەزەپكە كەلگەن ۋە «ھۆكۈمەت خادىمى ئادەم ئۇردى» دەپ ۋارقىراشقان.

ھالبۇكى، نەق مەيداننى ساقچى قورشاپ، ئاممىنى تارقاقلاشتۇرغان.

رادىئومىز يەرلىكلەرگە تېلېفون قىلىپ ئەھۋال ئېگىلگەندە، ئۇلار «شۇنداق بىر ئىش بولدى» دەپ گەپ ئاڭلىغانلىقىنى بىلدۈرگەن بولسا، ساقچىلار مۇخبىرنىڭ سوئالىغا جاۋاب بېرىشنى رەت قىلغان.

بۇ ھەقتىكى سۈرەتلەرگە قارىغاندا بوۋاينى قۇتقۇزۇش ماشنى ئېلىپ كەتكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت