Gu'angju sheher bashqurush tarmaqliri bir Uyghur bowayni urup yarilandurghan

Muxbirimiz jüme
2013-08-10
Share

Radi'omizning igilishiche gu'angjudiki sheher bashqurush tarmaqliri mezkur sheherde yaymichiliq qilidighan bir Uyghur bowayni öz ichige alghan uch ademni urup yarilandurghan.

Weqe peyshenbe küni kechqurun gu'angju shehiri lying meydani yénidiki soda - sana'et bankisi etrapida yüz bergen.

Sheher bashqurush xadimliri urghan 3 Uyghurning ikkisi yash bolup ular yarilanmighan, emma Uyghur bowayning béshi yérilip, yüz - közliri qan'gha boyilip ketken.

Bowayning bu resimi we neq meydan körünüshi bir qisim xitayche munazire betlirige chaplan'ghan.

Melum bolushiche, sheher bashqurush xadimliri bu Uyghur bowayni uruwatqanda etraptiki amma ghezepke kelgen we "Hökümet xadimi adem urdi" dep warqirashqan.

Halbuki, neq meydanni saqchi qorshap, ammini tarqaqlashturghan.

Radi'omiz yerliklerge téléfon qilip ehwal égilgende, ular "Shundaq bir ish boldi" dep gep anglighanliqini bildürgen bolsa, saqchilar muxbirning so'aligha jawab bérishni ret qilghan.

Bu heqtiki süretlerge qarighanda bowayni qutquzush mashni élip ketken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet