Xitay da'iriliri Uyghur diyaridiki chégra qoghdash eskerlirini chégra saqchilirigha özgertmektiken

Muxbirimiz erkin
2019-01-04
Élxet
Pikir
Share
Print

Xitay da'iriliri Uyghur aptonom rayonida qoralliq saqchi etritining chégra qoghdash qisimlirida herbiy wezipisini tügetken eskerlerni keng kölemde chégra saqchilirigha özgertishke bashlighan.

Xitayda chiqidighan "Yer shari waqti géziti" ning xewer qilishiche, qoralliq saqchi etritining chégra qisimliridin qaytqan eskerlerning tunji türkümdiki chégra saqchilirigha özgertilish qesem bérish murasimi 1‏-yanwar küni Uyghur aptonom rayonluq j x nazaritining chégra éghizlirini bashqurush ponkitida ötküzülgen. Bu Uyghur rayonda tunji qétim herbiy shtattiki eskerning kolléktip halda memuriy shtatqa özgertilishidur.

"Yer shari waqti géziti" ning xewiride bayan qilishiche, bu özgirish xitay kompartiyesi merkizi komitétining ötken yili 3‏-ayda chiqarghan islahat qararigha asasen élip bérilghan. Xitay hökümiti chén chüen'goni Uyghur aptonom rayonluq partkomgha sékrétar qilip yötkep kelgen 2 yérim yildin béri rayonning bixeterlik sélinmisini hessilep köpeytip, nurghun saqchi xadimlirini qobul qilghan.

Kishilik hoquq teshkilatlirining ilgiri sürüshiche, xitay hökümiti 2017‏-yili Uyghur rayonigha 100 mingdin artuq saqchi qobul qilghan. Uning bixeterlikke alaqidar qurulushlargha serp qilghan puli shu yili 3 hesse artqan. Bu qurulushlar 2018‏-yili dawamliq kéngeytilgen.

Közetküchiler xitayning bu arqiliq Uyghurlarni qattiq teqib astigha élip, ularni bu rayonning siyasiy, ijtima'iy, iqtisadi we medeniyet hayatidiki passip küchke aylandurushni meqset qilghanliqini ilgiri sürüp keldi. "Yer shari waqti géziti" ning xewiride ashkarilishiche, chégra saqchisigha özgertilgen bu eskerler Uyghur aptonom rayonining 5700 kilométirliq chégra liniyesidiki 16 chégra éghizi we 10 chégra kontrol guruppisida wezipe öteydiken.

Toluq bet