Уйғур елидин һөкүмәт хизмити билән чәтәлгә чиқидиған кадирлар сани тизгинлинидикән

Мухбиримиз ирадә
2014-10-30
Share

Хитай һөкүмити уйғур елидин һөкүмәт хизмити билән чәткә чиқидиғанларниң санини тизгинләшни қарар қилған.

Тәңритағ торидин берилгән хәвәрдин қариғанда, 2015-йилидин башлап һөкүмәт хизмити билән чәтәлгә чиқидиғанларниң көлими қаттиқ тизгинлинип, өмәк-гуруппидикиләрниң сани 20 кишидин ашурулмайдикән. Шуниң билән биллә, партийә-һөкүмәт кадирлиридин чәтәлгә чиқидиғанларни тәрбийиләш көлимиму қаттиқ тизгинлинидикән. Вилайәт, шәһәр вә наһийә дәриҗилик партком тәшкилат бөлүмлириниң чеградин чиққучиларни тәрбийиләш курси уюштуруш һоқуқи болмайдикән.

Хитай һөкүмитиниң уйғур ели кадирлириға қарита бундақ бир тәдбир елиши көзәткүчиләрниң диққитини қозғиди. Көзәткүчиләр буни хитай һөкүмитиниң уйғур елидики контроллуқини күчәйтиш хизмәтлириниң бир парчиси, дәп қаримақта.

Чәтәлгә чиқмақчи болған кадирларниң материяли бундин кейин "һөкүмәт хизмити билән чәтәлгә чиқидиғанларни тәрбийиләш системиси" ға бир туташ йоллинидиған болуп, бундақ болғанда хитай һөкүмитиниң тәкшүрүш вә тәқиб қилиш хизмәтлиригә техиму оңай болидиғанлиқи пәрәз қилинмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт