Shinjang téléwiziye istansisi “Chümbilingni qayriwet” namliq téléwiziye programmisini süretke élishqa bashlighan

Muxbirimiz qutlan
2014.09.22

Tengritagh torining bügünki xewirige qarighanda, shinjang téléwiziye istansisining mexsus guruppisi “Chümbilingni qayriwet” namliq téléwiziye edebiyat-sen'et programmisini süretke élish üchün toqsu nahiyesige yétip barghan.

Toqsu nahiyelik da'iriler nahiye tewesidiki xelqni heriketlendürüp, bu qétimliq téléwiziye teshwiqat programmisigha sün'iy körünüsh hazirlighan. Mezkur programmigha xitay merkiziy naxsha-ussul ömikining birinchi derijilik artisi rozi hamuttin tartip yerliktiki xelq sen'etkarlirighiche seperwer qilin'ghan.

Melum bolushiche, “Chümbilingni qayriwet” dep nam qoyulghan bu uniwérsal edebiyat-sen'et programmisini süretke élish jeryanida toqsu nahiyesidiki bir qisim yerlik sen'etkarlargha xitayche changchile orunlash wezipisi tapshurulghan. Imin toqa isimlik biri béyjing changchilisining ahangida “Qizil chiragh” tin ariye éytqan. Muhemmet qéyyum isimlik yene bireylen “Wéyxushenni pem bilen élish” namliq changchilidin ariye orunlighan.

Közetküchiler shinjang téléwiziye istansisi filimgha éliwatqan “Chümbilingni qayriwet” namliq bu téléwiziye programmisining nahayiti roshen siyasiy teshwiqat xaraktérige ige ikenlikini, uning Uyghurlarning milliy medeniyiti we sen'itini xitaylashturushni meqset qilghanliqini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.