Uyghur diyari bu yil yene 28 mingdin artuq ixtisasliqlargha éhtiyajliq iken

Muxbirimiz ümidwar
2017-07-16
Share

Uyghur aptonom rayoni da'irilirining xitay metbu'atlirigha bildürüshiche, bu yil Uyghur rayonida jiddiy éhtiyajliq kemchil ixtisasliq xadimlar 28 mingdin artuq bolup, bu jiddiy éhtiyajliq kemchil ixtisasliqlar asasliqi, téxnika, partiye-hökümet, igilik bashqurush, oqutquchiliq we bashqa sahelerge merkezleshken.

Shinxu'a torining bu heqtiki xewiride ilgiri sürülüshiche, emma, jiddiy éhtiyajliq kemchil ixtisasliqlar ichide oqutquchilargha bolghan éhtiyaj eng köp bolup, bu yilqi mezkur sahege éhtiyajliqlarning sani 13ming 715 ke yétidiken. Biraq Uyghur aptonom rayoni da'iriliri mezkur 28 mingdin artuq jiddiy éhtiyajliq ixtisasliqlarni, jümlidin oqutquchilarni qandaq toldurush mesiliside héch néme démigen. 

Közetküchiler bu yilliqi jiddiy éhtiyajliq ixtisasliq xadimlarni ishqa qobul qilishta Uyghur qatarliq xitay emes milletlerning nisbitining töwen bolushini mölcherlimekte, buningdin bir qanche kün ilgiri Uyghur aptonom rayonluq adem küchi we ijtima'iy kapalet nazariti bu yilning yérimida aliy mektep püttürüp ish kütüp turghan studéntlardin 52 ming ademni ishqa orunlashturghanliqi, bularning peqet 18 mingining az sanliq millet ikenlikini bildürgen bolup, ishqa orunlashqan Uyghur we bashqa az sanliq millet studéntliri 30% ni teshkil qilghan idi.

Chet'ellerdiki Uyghur teshkilatlirining tenqid qilishiche, xitay da'iriliri Uyghurlar pütün Uyghur aptonom rayoni nopusining 46% ni, bashqa az sanliq milletler qoshulup, 60% tin artuqraqini igilisimu, emma aliy mektep oqughuchilirini ishqa orunlashturush, jümlidin xizmet teqsimatida mundaq millet nisbitige ehmiyet bermey kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.