Xitayning Uyghurlarning DNA ewrishkisini toplishi xelq'ara taratqularda küchlük diqqet qozghidi

Muxbirimiz shöhret hoshur
2017-12-13
Share

Dunya kishilik hoquqni közitish teshkilati tünügün xitayning Uyghurlardin omumyüzlük halda DNA ewrishkisi toplighanliqi heqqide bir doklat élan qildi.

Mezkur doklatta bu heriketning kishilik hoquqqa, jümlidin insanlarning shexsiy mexpiyetlik hoquqigha dexli-teruz yetküzüsh ikenliki alahide tekitlendi.

Mezkur doklat bügün xelq'ara axbarat wasitilirining küchlük diqqitini qozghidi. Amérikaning s n n téléwiziyesi bu heqtiki mexsus xewiride Uyghur aptonom rayonida yéqinqi yillarda köp qétimlap qarshiliq heriketliri yüz bergenliki, xitayning buni diniy esebiylikke baghlap teshwiq qilghanliqi, emeliyette buning sewebining rayondiki adettin tashqiri diniy bésim we siyasiy tengsizlik ikenliki tilgha élindi.

Yaxu xewer torida bolsa asasliq nopusi Uyghurlardin teshkillen'gen mezkur rayonning xitayning saqchi we eskiriy küchliri bilen tolghanliqi eskertildi. En'gliyening "Muhapizetchi", yeni "Gardiyan" gézitining bu heqtiki xewiride Uyghur aptonom rayonining xitaydiki eng qattiq bashquruluwatqan jay ikenliki, xitay da'irilirining rayonida arqa-arqidin atalmish "Térrorluqqa qarshi manéwir" ötküzüp, Uyghur xelqige tehdit séliwatqanliqi tekitlendi.

Xewerlerde omumyüzlük halda "Kishilik hoquqni közitish teshkilati" xitay ishliri bölümining mes'uli soféy richardsonning "Pütün bir xelqning DNA qatarliq bi'ologiyilik uchurlirini mejburi toplash xelq'ara kishilik hoquq ehdinamisige pütünley xilap. Eger u salametlik tekshürüshi dégendek namlar bilen mexpiy élip bérilsa, téximu xeterlik," dégen sözlirige orun bérildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet