Xitay da'iriliri yerkendiki bir doxturxanining Uyghur rehbiri üstidin tekshürüsh élip bérishqa bashlighan

Muxbirimiz erkin
2021-06-21
Share

Xitay da'iriliri yerken nahiyesining alamet bazarliq doxturxanining Uyghur rehbiri üstidin intizam tekshürüshi we riwiziyelik tekshürüsh élip bérishqa bashlighan. "Bingtüen xewerliri" ning uchurida mezkur bazarliq doxturxana bashliqining "Intizam we qanun'gha éghir xilapliq qilish" bilen eyiblinip tekshürülüshke bashlighanliqini bildürgen. Emma uning konkirét qaysiy intizamgha we qanun'gha xilapliq qilghanliqini tilgha almighan.

Xitay da'ilirining 2017-yili bashlan'ghan az digenda bir milyon 800 ming Uyghur we bashqa musulman türkiy az sanliq millet kishilirini lagérlargha qamashtek chong tutqunida, nurghun Uyghur kadirlar "‍Intizam we qanun'gha xilapliq qilish" dégen bu nam bilen eyiblinip, jazalan'ghan yaki iz-déreksiz yoqalghan idi.

"Bingtüen xewerliri" ning éytishiche, bu qétim yerken nahiyesi alamet bazarliq doxturxana partiye guruppisining sékritari, mu'awin doxturxana bashliqi turaq osman tekshürülüshke bashlighan. Xewerde nöwette turaq osman'gha qarita yerken nahiyelik intizam tekshürüsh we réwiziye komitéti teripidin "Intizam tekshürüshi we réwiziyelik tekshürüsh" élip bériliwatqanliqi tekitlen'gen.

Melum bolushiche, bu yil 52 yashliq turaq osman 1998-yili xizmetke qatnashqan bolup, u ilgiri yerkenning döngbagh, qosh'ériq, arslanbagh, élishqu, xangdi qatarliq yéza-bazarliq doxturxanilarning bashliqliq wezipisini ‍ötigen iken. U 2019-yildin béri alamet bazarliq doxturxana partiye guruppisining sékritari we mu'awin bashliqliq wezipisini ‍ötep kelgen ‍iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet