Xitay da'iriliri Uyghur élining edliye sistémisida keng kölemlik almashturush élip bardi

Muxbirimiz erkin
2022.03.28
Share on WhatsApp
Share on WhatsApp

Xitay hökümiti Uyghur aptonom rayoni we uning rayondiki yérim ishlepchiqirish, yérim qoralliq teshkilati-bingtüenni ‍öz ichige alghan Uyghur élidiki edliye sistémisida keng kölemlik özgertish élip bérip, bingtu'en we yerliktiki her derijilik teptish we sot emeldarliridin 140 din artuq kishini almashturghan. Bu Uyghur aptonom rayoni tarixida tunji qétim taratqulargha melum bolghan rayonning her derijilik sot we teptish mehkimiliridin bunchilik köp sotchi we teptishning tuyuqsiz birla waqitta almashturulushidur.

Xitay da'irlirining néme üchün tuyuqsiz bunchilik köp teptish we sotchini almashturushidiki meqsiti melum emes. Xitay taratqulirida buninggha héchqandaq chüshüenche bérilmigen. Lékin bezi közetküchilerning éytishiche, bingtu'en we rayonning edliye sistémisidiki bu özgirish b d t kishilik hoquq aliy komissarining bu yil 5-ayda Uyghur élida élip baridighan ziyaritige qarida bir teyyarliq bolushi mumkin iken. Xitay hökümiti 2017-yili bashlan'ghan chong tutqunda rayonning edliye sistémisigha nurghun siyasiy kadirlarni yötkep, lagérgha qamalghan bigunah Uyghurlarni héchqandaq sot tertipidin ‍ötküzmey xalighanche kesken. Közetküchiler, edliye sistémisidiki keng kölemlik almashturushning yuqiriqi jinayetni yoshurushni meqset qilghan bolushi mumkin, dep qarimaqta.

Xitayning “Bingtu'en xewerliri” torining ashkarilishiche, bu qétimqi almashturushta Uyghur aptonom rayonluq yuqiri sotning mu'awin bashliqidin tartip yuqiri teptish mehkimisining bash teptishigiche, höküm chiqirish komitétining ezaliridin tartip, bingtu'en sot we teptish mehkimisining mu'awin bashliqlirighiche, her qaysi yerlik ottura sot we teptish mehkimilirining bashliqi, sotchisi, teptish emeldarliridin tartip, her qaysi bingtu'en déwiziyeliridiki ottura sot we teptish mehkimilirining sotchi we teptishlirigiche bolghan nurghun adem almashturulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet