Uyghur élidiki yaylaqlarning 80 pirsenti weyranchiliqqa uchrighan

Muxbirimiz jüme
2018-02-10
Share

Xitay axbarati Uyghur élidiki yaylaqlarning 80 pirsenttin köprekining weyran qilin'ghanliqini bildürgen bolsimu, emma buningdiki seweblerni toluq chüshendürmigen.

Shinxu'a axbaratining xewer qilishiche, Uyghur élide hazir 57 milyon géktar yaylaq bar bolup, bularning 65 pirsenti charwa béqishqa ishlitilidiken. 

Xewerge qarighanda bu yaylaqlarning köp qismi herxil derijidiki weyranchiliqqa uchrighan.

Xewerde mundaq déyilgen: "Kilimat özgirishi we normidin artuq charwa béqish sewebidin 80 pirsenttin artuq yaylaq buzghunchiliqqa uchridi."

Halbuki xewerde, Uyghur élide barghanche kéngiyiwatqan sheherlishish hadisisi, charwichiliq rayonlirida pilansiz échiliwatqan sayahet rayonliri we kan-karxanilarning yaylaqlarning weyran qilinishini kücheytiwatqan muhim amillarning biri ikenlikini körsitilmigen.

Radi'omiz ilgiri igiligen bir qisim uchurlarda, ötken esirning axirliridin buyan sheher kölimining shiddet bilen zoriyishi, yéngi tereqqiyat rayonlirining keyni-keynidin échilishi, kan bayliqlirining téz sürette qézilishi seweblik qumul wilayitining charwichiliq rayonlirigha bolghan xiris hessilep kücheygenliki ashkarilan'ghan. 

Uningdin bashqa ürümchi bulaqtaghdiki qazaq charwichilarning yaylaqliri 2015-yili yaylaqni eslige keltürüsh namida tartiwélinip, ornigha dachilar sélin'ghan.
Netijide 100 din artuq charwichi yashash yolidin ayrilip qalghan. Bu xil hadisilerning ghulja we charwichiliq igiliki bar bashqa wilayetlerning hemmiside ortaq körülgenliki ilgiri sürülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet