Иҗтимаий таратқулардики уйғур емоҗилар уйғур мәдәнийитини тарқитишқа атланди

Мухбиримиз нуриман
2020-07-08
Елхәт
Пикир
Share
Принт

«Йәр шари авази» хәвәр ториниң хәвиригә асасланғанда, оттура асиядики рус тили яндаш ишлитилидиған дөләтләрдә яшайдиған уйғурларниң тиришчанлиқи билән уйғурлар вә уйғур мәдәнийитигә вәкиллик қилидиған имоҗилар иҗтимаий таратқулардин бири болған телеграммида кәң көләмдә ишлитилишкә башлиған.

Уйғур диярида яшайдиған уйғурларниң әң әқәллий кишилик һоқуқлири хитай һакимийити тәрипидин еғир дәпсәндичиликкә учраватқан бир мәзгилдә, рус тили яндаш қоллинилидиған оттура асия дөләтлири, шу җүмлидин қазақистан, қирғизистан вә өзбекистаники тәхминән 350, 000 уйғур аһалиси иҗтимаий таратқулардин пайдилинип, әркин пикир қилиш һоқуқидин бәһримән болмақтикән.

Русийәдики «биз уйғурлар» намлиқ бир гуруппа өзиниң тор бетидә уйғур тарихи, мәдәнийитигә аит нурғун язма материялларни елан қилған. Бу йил 6-айниң ахирида мәзкур гуруппа сабиқ совет иттипақидин парчилинип мустәқил болған дөләтләрдә кәң қоллинилидиған «телеграм» да уйғурларниң әнәниви кийим-кечәк, йемәк-ичмәк мәдәнийити әкс әттүрүлгән бир йүрүш имоҗиларни ясап тарқатқан. Бу емоҗилар телеграмм қолланғучиларниң яқтурушиға еришкән.

«Биз уйғурлар» гурупписиниң башқурғучиси вә вә бу имоҗиларниң лайиһәлигүчилиридин бири болған регина уйғур «йәр шари авази» хәвәр ториниң зияраитини қобул қилип, мундақ дегән: «бизниң биринчи мәқситимиз бай вә қәдимий уйғур мәдәнийитини тордашларға тонуштуруш; иккинчи мәқситимиз тордашларни конкрет иҗтимаий учурлар билән тәминләш. Нөвәттә ана вәтинимиз уйғур илида уйғурлар ирқий қирғинчилиққа учраватиду. Сабиқ совет иттипақидин айрилип чиққан дөләтләрдә яшайдиған уйғурларму түрлүк бесим вә кәмситишләргә учримақта. Шуңа биз мәдәнийитимизниң смовллири әкс әттүрүлгән бу бир йүрүш имоҗилар арқилиқ уйғурларниң қәлбини үмид вә иптихарлиқ билән толдурушини үмид қилимиз.»


Пикирләр (0)
Share
Толуқ бәт