Ijtima'iy taratqulardiki Uyghur émojilar Uyghur medeniyitini tarqitishqa atlandi
2020.07.08
“Yer shari awazi” xewer torining xewirige asaslan'ghanda, ottura asiyadiki rus tili yandash ishlitilidighan döletlerde yashaydighan Uyghurlarning tirishchanliqi bilen Uyghurlar we Uyghur medeniyitige wekillik qilidighan imojilar ijtima'iy taratqulardin biri bolghan télégrammida keng kölemde ishlitilishke bashlighan.
Uyghur diyarida yashaydighan Uyghurlarning eng eqelliy kishilik hoquqliri xitay hakimiyiti teripidin éghir depsendichilikke uchrawatqan bir mezgilde, rus tili yandash qollinilidighan ottura asiya döletliri, shu jümlidin qazaqistan, qirghizistan we özbékistaniki texminen 350, 000 Uyghur ahalisi ijtima'iy taratqulardin paydilinip, erkin pikir qilish hoquqidin behrimen bolmaqtiken.
Rusiyediki “Biz Uyghurlar” namliq bir guruppa özining tor bétide Uyghur tarixi, medeniyitige a'it nurghun yazma matériyallarni élan qilghan. Bu yil 6-ayning axirida mezkur guruppa sabiq sowét ittipaqidin parchilinip musteqil bolghan döletlerde keng qollinilidighan “Télégram” da Uyghurlarning en'eniwi kiyim-kéchek, yémek-ichmek medeniyiti eks ettürülgen bir yürüsh imojilarni yasap tarqatqan. Bu émojilar télégramm qollan'ghuchilarning yaqturushigha érishken.
“Biz Uyghurlar” guruppisining bashqurghuchisi we we bu imojilarning layiheligüchiliridin biri bolghan régina Uyghur “Yer shari awazi” xewer torining ziyara'itini qobul qilip, mundaq dégen: “Bizning birinchi meqsitimiz bay we qedimiy Uyghur medeniyitini tordashlargha tonushturush؛ ikkinchi meqsitimiz tordashlarni konkrét ijtima'iy uchurlar bilen teminlesh. Nöwette ana wetinimiz Uyghur ilida Uyghurlar irqiy qirghinchiliqqa uchrawatidu. Sabiq sowét ittipaqidin ayrilip chiqqan döletlerde yashaydighan Uyghurlarmu türlük bésim we kemsitishlerge uchrimaqta. Shunga biz medeniyitimizning smowlliri eks ettürülgen bu bir yürüsh imojilar arqiliq Uyghurlarning qelbini ümid we iptixarliq bilen toldurushini ümid qilimiz.”