Уйғур әнәниви қору җайларни хитайлаштуруш йезиларда мусабиқигә айландурулмақта

Мухбиримиз әзиз
2020-06-03
Елхәт
Пикир
Share
Принт

Хитай һөкүмити йеқинқи мәзгилләрдин буян уйғур дияридики сиясий контроллуқ тәдбирлириниң бир муһим мәзмуни қатарида уйғурлардики әнәниви олтурақ мәдәнийәт шәклини хитайчилаштурушқа күчигән иди. Йеқинда бу паалийәтниң йезилардики деһқан аилилири бойичә давам қиливатқанлиқи мәлум болушқа башлиди.

«Тәңритағ тори» ниң 1-июндики хәвиридә ейтилишичә, чәрчән наһийисиниң атчан базирида олтурушлуқ байимхан ғениниң мушу һәптилик «гүзәл қоро чолпини» намлиқ көчмә қизил байраққа еришкәнлики ейтилған. Шундақла бу байрақниң төвәнгә чүшкән хитай кадирлириниң тәшәббуси билән тәсис қилинған «қору җайларни рәткә селиш, қалақлиқтин қутулуш» саһәсидики үлгилик рол ойниған һәмдә «қалақ» қияпәткә хатимә бәргән аилиләргә тәқдим қилинидиғанлиқи ейтилиду.

Хәвәрдә йәнә бу байрақниң «миннәтдарлиқ туйғуси» вә «бәхт туйғуси» болған аилиләргә алди билән берилидиғанлиқи тәкитлиниду.

Радийомиз игилигән илгирики учурларда хитай һөкүмитниниң ‍уйғурлардики өй җабдуқлириниңму «әсәбийлик» кә бағлиниватқанлиқи мәлум болған болуп, бу җәһәттиму хитайларға охшаш болуш тәкитләнгән иди. Әмдиликтә бу паалийәтләрниң бу хил шәклидә йезиларда омумлишишини бир қисим анализчилар «мәдәнийәт қирғинчилиқиниң йезиларға ямриши,» дәп атимақта.

Пикирләр (0)
Share
Толуқ бәт