Uyghur en'eniwi qoru jaylarni xitaylashturush yézilarda musabiqige aylandurulmaqta

Muxbirimiz eziz
2020-06-03
Élxet
Pikir
Share
Print

Xitay hökümiti yéqinqi mezgillerdin buyan Uyghur diyaridiki siyasiy kontrolluq tedbirlirining bir muhim mezmuni qatarida Uyghurlardiki en'eniwi olturaq medeniyet sheklini xitaychilashturushqa küchigen idi. Yéqinda bu pa'aliyetning yézilardiki déhqan a'ililiri boyiche dawam qiliwatqanliqi melum bolushqa bashlidi.

"Tengritagh tori" ning 1-iyundiki xewiride éytilishiche, cherchen nahiyisining atchan bazirida olturushluq bayimxan ghénining mushu heptilik "Güzel qoro cholpini" namliq köchme qizil bayraqqa érishkenliki éytilghan. Shundaqla bu bayraqning töwen'ge chüshken xitay kadirlirining teshebbusi bilen tesis qilin'ghan "Qoru jaylarni retke sélish, qalaqliqtin qutulush" sahesidiki ülgilik rol oynighan hemde "Qalaq" qiyapetke xatime bergen a'ililerge teqdim qilinidighanliqi éytilidu.

Xewerde yene bu bayraqning "Minnetdarliq tuyghusi" we "Bext tuyghusi" bolghan a'ililerge aldi bilen bérilidighanliqi tekitlinidu.

Radiyomiz igiligen ilgiriki uchurlarda xitay hökümitnining ‍Uyghurlardiki öy jabduqliriningmu "Esebiylik" ke baghliniwatqanliqi melum bolghan bolup, bu jehettimu xitaylargha oxshash bolush tekitlen'gen idi. Emdilikte bu pa'aliyetlerning bu xil sheklide yézilarda omumlishishini bir qisim analizchilar "Medeniyet qirghinchiliqining yézilargha yamrishi," dep atimaqta.

Toluq bet