Уйғур әрздарлар бейҗиңға қарап йолға чиқти

Мухбиримиз шөһрәт һошур
2014.02.13

Уйғур райониниң һәрқайси җайлиридин үрүмчигә топланған уйғур әрздарлар, үрүмчидә әрзини ақтуралмиғандин кейин, булардин 40 нәччиси алдинқи күни бейҗиңға қарап йолға чиққан.

Бу һәқтә радиомизға учур бәргән бир әрздарниң баян қилишичә, йолға чиққанларниң көпинчиси ши җинпиң йеқиндин буян башлиған парихорлуққа зәрбә бериш һәрикитидин илһамланған болуп, улар парихорлуққа зәрбә бериш башланған мәзгилдә чоқум әрздарларниң әрзигә қулақ селиниду, дегән үмидтә болған.

Йәнә бир қисимлири асасий қатламлардики әмәлдарлар билән қаршилишиш үчүнла әрзгә атланған.

Мәлум болушичә, бейҗиң даирилири йәрлик даириләрдин әрз - шикайәтләрни өз орнида бир тәрәп қилишни вә әрздарларниң бейҗиңға келип иш теришиниң алдини елишни тәләп қилмақта.

Әрздарларни бейҗиңға барғузмаслиқниң йәрлик әмәлдарларниң йиллиқ хизмәт нәтиҗисини баһалаштики муһим өлчәм қилинидиғанлиқи мәлум. Шуңа, уйғур районида йәрлик әмәлдар билән әрздарлар арисидики күрәш барғансери кәскинләшмәктә.

Бу қетим бейҗиңға йолға чиққан әрздарларниң хитай ширкәтлири тәрипидин терилғу йәрлири тартивелинған вә өйлири чеқиветилгән уйғурлар икәнлики мәлум.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.