Uyghur erzdarlar béyjinggha qarap yolgha chiqti

Muxbirimiz shöhret hoshur
2014-02-13
Share

Uyghur rayonining herqaysi jayliridin ürümchige toplan'ghan Uyghur erzdarlar, ürümchide erzini aqturalmighandin kéyin, bulardin 40 nechchisi aldinqi küni béyjinggha qarap yolgha chiqqan.

Bu heqte radi'omizgha uchur bergen bir erzdarning bayan qilishiche, yolgha chiqqanlarning köpinchisi shi jinping yéqindin buyan bashlighan parixorluqqa zerbe bérish herikitidin ilhamlan'ghan bolup, ular parixorluqqa zerbe bérish bashlan'ghan mezgilde choqum erzdarlarning erzige qulaq sélinidu, dégen ümidte bolghan.

Yene bir qisimliri asasiy qatlamlardiki emeldarlar bilen qarshilishish üchünla erzge atlan'ghan.

Melum bolushiche, béyjing da'iriliri yerlik da'irilerdin erz - shikayetlerni öz ornida bir terep qilishni we erzdarlarning béyjinggha kélip ish térishining aldini élishni telep qilmaqta.

Erzdarlarni béyjinggha barghuzmasliqning yerlik emeldarlarning yilliq xizmet netijisini bahalashtiki muhim ölchem qilinidighanliqi melum. Shunga, Uyghur rayonida yerlik emeldar bilen erzdarlar arisidiki küresh barghanséri keskinleshmekte.

Bu qétim béyjinggha yolgha chiqqan erzdarlarning xitay shirketliri teripidin térilghu yerliri tartiwélin'ghan we öyliri chéqiwétilgen Uyghurlar ikenliki melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet