Уйғур һаҗи намзатлири башта компартийигә садақитини билдүрүши керәк икән

Мухбиримиз ирадә
2018-04-24
Share

Америкида нәшрдин чиқидиған "сода ички хәвәрләр" гезити сәйшәнбә күнидики хәвиридә, хитай һөкүмитиниң һәҗгә беришни арзу қиливатқан уйғурлардин аввал коммунист партийигә садақитини билдүрүшни тәләп қиливатқанлиқини хәвәр қилди.

Хәвәрдә көрситилишичә, йеқи да үрүмчи шәһәрлик һөкүмәткә қарашлиқ бир тор бәт 2018-йиллиқ һәҗигә баридиғанларни тизимлайдиған бир тор сәһиписи тәсис қилған. Һәҗгә илтимас қилидиғанлар тор сәһиписигә кимлик мәлуматлирини, йеши, хизмити қатарлиқларни толдуридикән. Һәҗгә беришни илтимас қилғучиларниң йеши чоқум 50-70 яш арисида болуши керәк икән. 

Тор сәһиписидә йәнә, һәҗгә беришни арзу қилидиғанларниң чоқум хитай компартийисигә садақитини ипадилиши керәклики тәләп қилинған икән. Мәзкур гезит хитайдики һәҗигә баридиғанларни тизимлайдиған башқа районлуқ һөкүмәтләрниң тор бәтлириниму тәкшүрүп көргән болуп, униңда юқириқидәк бир мадда байқалмиған. Гезит буниңға асасән, хитай һөкүмитиниң уйғур мусулманлиридин алаһидә әндишә қилидиғанлиқини йәкүнлигән. 

Хәвәрдә йәнә "рус хулма тәтқиқат мәркизи" ниң тәтқиқатчиси тимусий грусниң мулаһизисигә асасән, хитай һөкүмитиниң чәтәлләргә чиқип киргән һәрқандақ уйғурдин қорқуп, уларни "қайта тәрбийиләш лагерлири" ға солаватқанлиқи, хитай һөкүмитиниң "қара тизимлики" дики һәрқандақ бир дөләткә чиққан киши вә униң уруқ-туғқанлирини тутқун қиливатқанлиқини, уйғурларниң миллий, диний һоқуқлирини қаттиқ дәпсәндә қиливатқанлиқи баян қилинған. 

Кишилик һоқуқни көзитиш тәшкилати хитай һөкүмитиниң һәҗгә барғанларни сиясий ағдурмичилиқ билән шуғуллиниш еһтимали бар, дәп қарайдиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт