Uyghur haji namzatliri bashta kompartiyige sadaqitini bildürüshi kérek iken

Muxbirimiz irade
2018-04-24
Share

Amérikida neshrdin chiqidighan “Soda ichki xewerler” géziti seyshenbe künidiki xewiride, xitay hökümitining hejge bérishni arzu qiliwatqan Uyghurlardin awwal kommunist partiyige sadaqitini bildürüshni telep qiliwatqanliqini xewer qildi.

Xewerde körsitilishiche, yéqi da ürümchi sheherlik hökümetke qarashliq bir tor bet 2018-yilliq hejige baridighanlarni tizimlaydighan bir tor sehipisi tesis qilghan. Hejge iltimas qilidighanlar tor sehipisige kimlik melumatlirini, yéshi, xizmiti qatarliqlarni tolduridiken. Hejge bérishni iltimas qilghuchilarning yéshi choqum 50-70 yash arisida bolushi kérek iken. 

Tor sehipiside yene, hejge bérishni arzu qilidighanlarning choqum xitay kompartiyisige sadaqitini ipadilishi kérekliki telep qilin'ghan iken. Mezkur gézit xitaydiki hejige baridighanlarni tizimlaydighan bashqa rayonluq hökümetlerning tor betlirinimu tekshürüp körgen bolup, uningda yuqiriqidek bir madda bayqalmighan. Gézit buninggha asasen, xitay hökümitining Uyghur musulmanliridin alahide endishe qilidighanliqini yekünligen. 

Xewerde yene “Rus xulma tetqiqat merkizi” ning tetqiqatchisi timusiy grusning mulahizisige asasen, xitay hökümitining chet'ellerge chiqip kirgen herqandaq Uyghurdin qorqup, ularni “Qayta terbiyilesh lagérliri” gha solawatqanliqi, xitay hökümitining “Qara tizimliki” diki herqandaq bir döletke chiqqan kishi we uning uruq-tughqanlirini tutqun qiliwatqanliqini, Uyghurlarning milliy, diniy hoquqlirini qattiq depsende qiliwatqanliqi bayan qilin'ghan. 

Kishilik hoquqni közitish teshkilati xitay hökümitining hejge barghanlarni siyasiy aghdurmichiliq bilen shughullinish éhtimali bar, dep qaraydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet